- 2015-02-06 16:31:42
- ប្រដាល់
វ៉ន វីវ៉ា ជាប់ថតស្ពតពាណិជ្ជកម្ម អត់ចូលរួមប្រកួតស៊ីហ្គេម
- 2015-02-06 16:31:42
- ចំនួនមតិ 0 | ចំនួនចែករំលែក 0
វ៉ន វីវ៉ា ជាប់ថតស្ពតពាណិជ្ជកម្ម អត់ចូលរួមប្រកួតស៊ីហ្គេម
ចន្លោះមិនឃើញ
ក្នុងចំណោមកីឡាករ កីឡាការិនីប្រដាល់សាកលជម្រើសជាតិកម្ពុជាទាំង១៦នាក់ដែលចេញឈ្មោះដោយក្រសួងអប់រំ យុវជន និងកីឡា ពុំឃើញមានឈ្មោះអ្នកប្រដាល់ វ៉ន វីវ៉ា ទេ ខណៈព្រឹត្តិការណ៍កីឡាស៊ីហ្គេមឆ្នាំ២០១៣កីឡាកររូបនេះជាប់ឈ្មោះ។ តើហេតុអ្វីបានជារូបគេមិនមានឈ្មោះចូលរួមការប្រកួតកីឡាស៊ីហ្គេមឆ្នាំ២០១៥នេះ?
ពាក់ព័ន្ធនឹងចំណុចនេះជើងខ្លាំងប្រដាល់សេរី វ៉ន វីវ៉ា មិនអាចទាក់ទងសុំការពន្យល់បានទេ ប៉ុន្តែភរិយារបស់គេគឺកីឡាការិនីជម្រើសជាតិកម្ពុជា ស៊ន ដាវីន បានប្រាប់ថា ប្តីរបស់នាងមិនបានដាក់ពាក្យចូលរួមជាមួយជម្រើសជាតិដើម្បីទៅប្រកួតក្នុងព្រឹត្តិការណ៍កីឡាស៊ីហ្គេមនៅប្រទេសសិង្ហបុរីទេ។
ស៊ន ដាវីន បានប្រាប់ថា ៖«គាត់មិនដាក់ពាក្យទេ ឆ្នាំនេះគាត់រវល់ច្រើន មានការងារត្រូវធ្វើ។ ចំពោះការត្រៀមខ្លួនវ៉ៃតាមទូរទស្សន៍ក៏អត់ដែរ ប៉ុន្តែគាត់ជាប់ថតស្ពតពាណិជ្ជកម្មច្រើន។ ខ្ញុំអត់ដឹងច្បាស់ដែរថា គាត់ថតស្ពតអីខ្លះ ហើយថតខ្សែភាពយន្តក៏មានខ្លះដែរ»។
កីឡាការិនីម្ចាស់មេដាយប្រាក់ស៊ីហ្គេមឆ្នាំ២០១៣មិនបានបញ្ជាក់ឲ្យច្បាស់ពីស្ពតអ្វីខ្លះនោះទេដោយគ្រាន់តែប្រាប់ថា ថតស្ពតពាណិជ្ជកម្មច្រើន និងថតភាពយន្តខ្លះ។
កាលពីថ្ងៃទី២ ខែកុម្ភៈនេះ វ៉ន វីវ៉ា បានបង្ហោះរូបថតមួយសន្លឹកតាម Facebook ដោយបានសរសេរបញ្ជាក់ថា ថតស្ពតឲ្យថ្នាំគីណាល់។
អ្នកប្រដាល់ល្បីឈ្មោះ វ៉ន វីវ៉ា បានជាប់ជម្រើសជាតិប្រដាល់សាកលក្នុងចំណោមកីឡាករទាំង៦នាក់ និងបានចេញទៅហ្វឹកហាត់នៅប្រទេសថៃរយៈពេល៣ខែ ប៉ុន្តែពុំទទួលបានលទ្ធផលឡើយពេលចេញទៅប្រកួតក្នុងព្រឹត្តិការណ៍ស៊ីហ្គេមឆ្នាំ២០១៣នៅប្រទេសមីយ៉ាន់ម៉ា៕
វ៉ន វីវ៉ា (ស្រោមដៃខៀវ) កាលប្រកួតនឹងកីឡាករថៃកន្លងមក
អត្ថបទ៖ ជាន ចាន់រ៉ា
