- 2024-09-06 04:55:39
- ប្រដាល់
បឺត សង្ឃឹម ពេជ្រ ប៊ុនសិទ្ធ ប្រកួតចប់ហើយប៉ុន្តែនៅបណ្ដាញសង្គមដូចអាយ៉ៃឆ្លើយឆ្លងនៅឡើយទេ .
- 2024-09-06 04:55:39
- ចំនួនមតិ 0 | ចំនួនចែករំលែក 0
បឺត សង្ឃឹម ពេជ្រ ប៊ុនសិទ្ធ ប្រកួតចប់ហើយប៉ុន្តែនៅបណ្ដាញសង្គមដូចអាយ៉ៃឆ្លើយឆ្លងនៅឡើយទេ .
ចន្លោះមិនឃើញ
ការប្រកួតគូធំទម្ងន់ ៥៧គីឡូក្រាមប្រចាំស្រុកខ្មែររវាង បឺត សង្ឃឹម និង ពេជ្រ ប៊ុនសិទ្ធ បានបញ្ចប់ហើយកាលពីយប់ថ្ងៃទី៥ ខែកញ្ញា ឆ្នាំ២០២៤ នេះដោយលទ្ធផល ចាញ់-ឈ្នះ ត្រឹមពិន្ទុ ប៉ុន្តែអ្វីដែលមិនទាន់ចប់នោះគឺការឆ្លើយឆ្លងគ្នាដូចអាយ៉ៃរួមមានអ្នកគាំទ្រ កីឡាករ និងគ្រូផងដែរលើបណ្ដាញសង្គមហ្វេសបុក។
ការប៉ះគ្នារវាង បឺត សង្ឃឹម និង ពេជ្រ ប៊ុនសិទ្ធ នេះគឺមានភាពល្បីល្បាញតាំងតែមិនទាន់ប្រកួតមកម្ល៉េះពិសេសលើបណ្ដាញសង្គមហ្វេសបុកនេះតែម្ដងដែលធ្វើឲ្យអ្នកគាំទ្រគុនខ្មែរចង់តាមដានជានិច្ច និងចង់ដឹងថានរណាជាជើងខ្លាំងដាច់គេលើប្រភេទទម្ងន់ ៥៧គីឡូក្រាមនៅស្រុកខ្មែរ។
យ៉ាងណាការប្រកួតបានបញ្ចប់ទៅហើយលទ្ធផលក៏រកឃើញផងដែរគឺ បឺត សង្ឃឹម ឈ្នះពិន្ទុលើ ពេជ្រ ប៊ុនសិទ្ធ ប៉ុន្តែលទ្ធផលនេះគឺមិនស្ងប់អារម្មណ៍របស់អ្នកគាំទ្រមួយចំនួនឡើយ ពោលបញ្ចប់ការប្រកួតភ្លាមការបញ្ចេញមតិយោបល់របស់អ្នកតាមដានមួយចំនួនហាក់មិនសូវពេញចិត្តចំពោះការប្រកួតក៏មានជាហូរហែផងដែរ។
ក្នុងការឆ្លើយឆ្លងលើបណ្ដាញសង្គមមិនដាច់របស់អ្នកតាមដានប្រដាល់មួយចំនួននោះរួមមាន «ខ្លះថាល្អមើល២ទឹកដំបូង ខ្លះថាវាយរត់ពេកនៅទឹកទី៣ ខ្លះថាវាយខ្លាចចិត្តមិនសឿង ខ្លះថាខ្ញុំគាំទ្រប៊ុនសិទ្ធដើរចូលវាយ ចំណែកខ្លះទៀតថា ២ទឹកដំបូងគេវាយឡើងធ្ងន់ទៅហើយ ទឹកទី៣គេអាណិតមិនវាយព្រោះខ្មែរដូចគ្នា ខ្លះទៀតថាខាងណាឈ្នះក៏បានមកខ្មែរដែរ ខ្លះថាបើវាយនៅក្រៅប្រទេសគេឲ្យចាញ់ហើយ អ្នកខ្លះថា សង្ឃឹម ល្អភ្នែក ល្អញ៉ាកដូចគេនិយាយមែន និងខ្លះទៀតថា បឺត សង្ឃឹម វាយខ្លាចមិនហ៊ានប្ដូរតទល់ជាមួយ ប៊ុនសិទ្ធ ជាដើម»។
លោក បឺត ខាំ បន្ទាប់ពីក្មួយប្រុសបញ្ចប់ការប្រកួតភ្លាមក៏បានបង្ហោះលើហ្វេសបុកផ្ទាល់ថា «ធ្វើបានល្អហើយខំប្រឹងបន្ថែមទៀត គូនេះអាចមានវគ្គក្រោយទៀត ៥ទឹក ហ្គង់ធំ» ចំណែកព្រឹកមិញនេះលោក ពេជ្រ សុផាន់ បង្ហោះតបទៅវិញថា «ទុកប្រកួតនៅ Sea Game ល្អជាងគ្រូ បឹតខាំ គុនខ្មែរ អាណិតពុកម៉ែបងប្អូនអ្នកគាំទ្រមកចាំមើលតាំងពីម៉ោង៣ ខាត់ពេលគាត់រកស៊ី ទៅខ្ញុំសូមគ្រូ IQ»។
បឺត សង្ឃឹម ក៏បង្ហោះលើផេករបស់ខ្លួនដែរថា «ទីបំផុត ពងមាន់ ជ/ល់ ថ្មរ បែ/ក ខ្ទេច 5-0» រីឯហ្វេសបុក ប៊ុនសិទ្ធ ក៏មានបង្ហោះដែរ «ខ្ញុំធ្វើអស់ពីសមត្ថភាពហើយពុកម៉ែបងប្អូនទាំងអស់គ្នា សូមទោសដែលមិនអាចយកជ័យជម្នះឲ្យបងប្អូនដែលស្រឡាញ់គាំទ្រខ្ញុំបាទបាន មានតែពាក្យខំប្រឹងបន្តទៀត»។
យ៉ាងណាការប្រកួតបញ្ចប់ទៅហើយលទ្ធផលក៏ចេញហើយ បឺត សង្ឃឹម យកខ្សែក្រវាត់ ពាន និងប្រាក់រង្វាន់ ២០លានរៀល។ ប៊ុនសិទ្ធ ក៏ទទួលបានពាន និងប្រាក់រង្វាន់ កាលពីយប់មិញ ដូច្នេះមានវគ្គបន្តសងសឹកគ្នា ឬអត់ មានតែរង់ចាំមើលប៉ុណ្ណោះ៕
