ភ្នំពេញ, ថ្ងៃទី31 ខែឧសភា ឆ្នាំ2024 – ក្រុមហ៊ុន ហនុមាន ប៊ែវើរីជីស (Hanuman​ Beverages)​​ដែលជា ក្រុមហ៊ុន​ភេសជ្ជៈឈានមុខគេនៅកម្ពុជា និងល្បីល្បាញសម្រាប់ភាពច្នៃប្រឌិត និងផ្តោតសំខាន់លើគុណភាព មានមោទនភាពក្នុងការប្រកាសជាផ្លូវការនូវកិច្ចសហការជាមួយកំពូលកីឡាករប្រដាល់លំដាប់ពិភពលោក ម៉ានី ប៉ាគីអាវ (Manny Pacquiao)។ 

ក្នុងនាមជាទូតសុច្ឆន្ទៈ​អន្តរជាតិដែលទើបតែត្រូវបានតែងតាំងថ្មី សម្រាប់ក្រុមហ៊ុន​ ហនុមាន ប៊ែវើរីជីស ​​​លោក ម៉ានី ប៉ាគីអាវ បានបានអញ្ជើញចូលរួមជាភ្ញៀវកិត្តិយសពិសេស នៅក្នុងកម្មវិធីប្រដាល់ “សង្វៀនហនុមានគុនខ្មែរ” របស់សហព័ន្ធ​កីឡាប្រដាល់គុនខ្មែរ ​(KKF)​ ​ដោយ​បញ្ជាក់ ពីការប្តេជ្ញាចិត្តរបស់ក្រុមហ៊ុនក្នុងការលើកកម្ពស់បេតិកភណ្ឌ​​វប្បធម៌​​ដ៏សម្បូរបែបរបស់កម្ពុជា និងក្បាច់គុន បុរាណរបស់ខ្លួននៅកាន់ពិភពលោក។

វត្តមាន លោក ម៉ានី ប៉ាគីអាវ ក្នុងកម្មវិធី “សង្វៀនហនុមានគុនខ្មែរ” របស់សហព័ន្ធកីឡាប្រដាល់គុនខ្មែរ (KKF) គឺជាមហាព្រឹត្តិការណ៍ក្នុងកំណត់ត្រាថ្មីដែលបញ្ជាក់ពីគុណតម្លៃនៃកីឡាប្រដាល់គុនខ្មែរ ដែលជាក្បាច់ គុនបុរាណរបស់កម្ពុជាដើម្បីឱ្យមានការទទួលស្គាល់ជាលក្ខណៈអន្តរជាតិ។ តាមរយៈការចូលរួមនៅក្នុងមហាព្រឹត្តិការណ៍នេះលោក ម៉ានី ប៉ាគីអាវ មិនត្រឹមតែបានបំផុសទឹកចិត្តអត្តពលិកប៉ុណ្ណោះទេ ប៉ុន្តែថែមទាំងបាន នាំមកនូវការចាប់អារម្មណ៍ជាសាកលទៅលើកីឡាប្រដាល់គុនខ្មែរ ដោយបង្ហាញពីវិន័យ និងជំនាញរបស់ កីឡាករប្រដាល់កម្ពុជាផងដែរ។

នៅក្នុងការប្រកួតនេះលោក ម៉ានី ប៉ាគីអាវ បានថ្លែងសុន្ទរកថាលើកទឹកចិត្ត ដែលធ្វើឲ្យមានការភ្ញាក់ផ្អើល យ៉ាង​ខ្លាំងចំពោះទាំងអត្តពលិក និងអ្នកចូលរួមទស្សនា។ លោកបានថ្លែងថា៖ «វាជាកិត្តិយសណាស់ដែល ខ្ញុំបានមកទីនេះនៅថ្ងៃនេះ ហើយបានឃើញនូវទេពកោសល្យ និងការលះបង់ដ៏មិនគួរឲ្យជឿរបស់កីឡាករ ប្រដាល់គុនខ្មែរ​។​ ក្នុងនាមខ្ញុំជាមនុស្សម្នាក់ដែលបានចំណាយស្ទើរតែមួយជីវិតនៅលើសង្វៀនប្រដាល់ ខ្ញុំយល់ពីការខិតខំប្រឹងប្រែង និងឆន្ទៈដែលជំរុញយើងម្នាក់ៗឱ្យខិតខំប្រឹងប្រែងដើម្បីឆ្ពោះទៅរកភាពជោគ ជ័យ និងលើកស្ទួយវិស័យគុនខ្មែរឱ្យកាន់តែល្បីរន្ទឺ។ សូមអរគុណសម្រាប់ក្តីស្រឡាញ់ និងការគាំទ្រពីប្រជា ជនកម្ពុជាទាំងអស់កន្លងមក។ កីឡាប្រដាល់​គុនខ្មែរ គឺលើសពីកីឡាទៅទៀត។ វាជាសក្ខីភាពនៃកម្លាំង និងស្មារតី ដូច្នេះសូមបងប្អូនទាំងអស់គ្នានៅទីនេះ សូមកុំភ្លេចបន្តការតស៊ូរក្សាជំនឿដ៏មុតមាំហើយសំខាន់ បំផុតនោះ គឺត្រូវបន្តក្រោកឈរឡើងដើម្បីភាពអស្ចារ្យនៅលើឆាកអន្តរជាតិ។»

ក្រុមហ៊ុន  ហនុមាន ប៊ែវើរីជីស ប្តេជ្ញាបង្កើតឱកាសសម្រាប់កីឡាប្រដាល់គុនខ្មែរ ដើម្បីទទួលបានការបង្ហាញ និងការទទួលស្គាល់ជាលក្ខណៈអន្តរជាតិ។ តាមរយៈការចាប់ដៃគូជាមួយកំពូលកីឡាករអន្តរជាតិដូចជា លោក ម៉ានី ប៉ាគីអាវ ក្រុមហ៊ុន ហនុមាន ប៊ែវើរីជីស មានគោលបំណងលើកកម្ពស់កីឡាប្រដាល់គុនខ្មែរ   ឱ្យគេបានស្គាល់ និងឱ្យតម្លៃនៅទូទាំងពិភពលោក។ ភាពជាដៃគូនេះមិនមែនគ្រាន់តែជាការលើកកម្ពស់ម៉ាកសញ្ញាក្រុមហ៊ុនប៉ុណ្ណោះទេ ប៉ុន្តែជាការលើកស្ទួយ មរតកវប្បធម៌ទាំងមូល និងផ្តល់ឱ្យអត្តពលិកកម្ពុជានូវវេទិកាមួយដើម្បីបញ្ចេញសមត្ថភាពនៅទូទាំង ពិភពលោក។

លោក ផន មុតសុក្រឆពណ្ណ សមាជិកក្រុមប្រឹក្សាភិបាល និងជាតំណាងនៃក្រុមហ៊ុន​ ហនុមាន ប៊ែវើរីជីស ​បាន​សម្ដែង​នូវការ​សាទរ​ចំពោះ​កិច្ច​សហការ​នេះ ហើយលោកបានមានប្រសាសន៍៖ «សូមនាំមកជូននូវ សង្វៀនហនុមានគុនខ្មែរ ដែលជាការប្រកួត​ដណ្តើមខ្សែក្រវាត់ជើងឯកកីឡាប្រដាល់គុនខ្មែរ ដែលទើបនឹងបង្កើតថ្មីរបស់សហព័ន្ធកីឡាប្រដាល់គុនខ្មែរដែលនាំមកជូនដោយក្រុមហ៊ុន​ ហនុមាន។

បន្ថែមពីលើការអបអរសាទរនៃភាពល្បីល្បាញទៅកាន់ទូទាំងពិភពលោក ជាមួយនឹងវត្តមានរបស់ទូតសុច្ឆន្ទៈអន្តរជាតិដែលជាជើងឯកប្រដាល់លំដាប់ពិភពលោក ម៉ានី ប៉ាគីអាវ យើង​ប្រមូល​ផ្តុំ​គ្នា​នៅ​យប់​នេះ ដើម្បី​ទស្សនាមហា​ព្រឹត្តិការណ៍កីឡា​ប្រដាល់គុនខ្មែរ​ដ៏​អស្ចារ្យ​មួយនៅ​ក្នុង​ប្រវត្តិសាស្ត្រ​កីឡា​ប្រដាល់​ជាមួយ​កីឡាករ​ប្រដាល់​គុន​ខ្មែរ​របស់​យើង។​ ទាំងអស់នេះជាការសរបញ្ជាក់​នូវគុណតម្លៃ​នៃ​ព្រឹត្តិ​ការណ៍​​នេះ និង​គោលដៅលើក​កម្ពស់​គុន​ខ្មែរ​ទៅកាន់​ឆាក​អន្តរជាតិ។» ជាមួយនឹងមោទនភាពដ៏អស្ចារ្យក្នុងនាមជាអ្នកឧបត្ថម្ភផ្តាច់មុខ ក្រុមហ៊ុន ហនុមាន​​​ ប៊ែវើរីជីស សហការ​ក្នុងព្រឹត្តិការណ៍ដណ្តើមខ្សែក្រវាត់នេះ ដើម្បីជំរុញកីឡាករប្រដាល់គុនខ្មែរឱ្យដើរតាមក្តីស្រមៃរបស់ពួកគេ និង​ធ្វើការរួមគ្នាដើម្បីលើកកម្ពស់កីឡាប្រដាល់គុនខ្មែរឱ្យកាន់តែមានការទទួលស្គាល់ជាលក្ខណៈអន្តរជាតិ។​ ភាពជាដៃគូរវាង ក្រុមហ៊ុន ហនុមានប៊ែវើរីជីស និងលោក ម៉ានី ប៉ាគីអាវ គឺជាជំហានដ៏សំខាន់មួយឈានឆ្ពោះទៅ​កាន់ការធ្វើសកលភាវូបនីយកម្មកីឡាប្រដាល់គុនខ្មែរ។ តាមរយៈការចូលរួមក្នុងយុទ្ធនាការប្រព័ន្ធផ្សព្វ​ផ្សាយ​​បណ្តាញសង្គម និងការទទួលយកបទពិសោធន៍ម៉ាកសញ្ញាដ៏សម្បូរបែប។ កិច្ចសហការ នេះនឹងទាក់ទាញទស្សនិកជន និងលើកកម្ពស់ទាំងក្រុមហ៊ុន ហនុមាន ប៊ែវើរីជីស និងកីឡាប្រដាល់គុនខ្មែរ ឈានទៅរកភាពជោគជ័យថ្មី។

សម្រាប់ការសាកសួរព័ត៌មានបន្ថែម សូមទំនាក់ទំនង៖ ក្រុមហ៊ុន Two Way PR លោកស្រី ឌិន ណៃគាង នាយកសារព័ត៌មាន និងទំនាក់ទំនងសាធារណៈ អ៊ីម៉ែល៖ naikeang@twowaypr.com ទូរស័ព្ទ៖ (+855) 78 333 853

អំពីក្រុមហ៊ុន ហនុមាន ប៊ែវើរីជីស (Hanuman Beverages) ក្រុមហ៊ុន ហនុមាន ប៊ែវើរីជីស គឺជាក្រុមហ៊ុនភេសជ្ជៈដ៏ល្បីមួយនៅក្នុងប្រទេសកម្ពុជាដែលមានការប្តេជ្ញាខ្ពស់ ក្នុងការបង្កើតភេសជ្ជៈលំដាប់ថ្នាក់ល្អបំផុតដែលបង្កើតនូវរសជាតិថ្មីសម្រាប់ប្រជាជនកម្ពុជា។ ជាមួយនឹងការ ប្តេជ្ញាចិត្តចំពោះឧត្តមភាព ការបង្កើតថ្មី និងនិរន្តរភាព ក្រុមហ៊ុនហនុមាន ប៊ែវើរីជីស មានគោលបំណង និងចក្ខុវិស័យក្នុង​ការក្លា​យជាម៉ាកសញ្ញាឧស្សាហកម្មភេសជ្ជៈដែលមានគុណភាពខ្ពស់លំដាប់ពិភពលោក។

អំពីលោក Manny Pacquiao៖ លោក Manny Pacquiao ត្រូវបានគេស្គាល់ផងដែរថាជា "Pac-Man" គឺជាឥស្សរជនដែលត្រូវបាន ទទួលស្គាល់នៅទូទាំងពិភពលោកតាមរយៈស្នាដៃរបស់គាត់នៅក្នុងកីឡាប្រដាល់អាជីព និងនយោបាយ។ ក្នុងនាមជាម្ចាស់ជើងឯកពិភពលោកចំនួនប្រាំបីស្ថាប័នផ្សេងគ្នាក្នុងប្រវត្តិសាស្ត្រប្រដាល់ និងជាបុគ្គល សាធារណៈដ៏ឧស្សាហ៍ព្យាយាម លោក Pacquiao បង្ហាញពីគុណតម្លៃនៃឧត្តមភាព ភាពស្មោះត្រង់ និងការ ជួយដល់ប្រជាជនដទៃ៕