/TOWN-1/6642513f4695e_1715622180_medium.jpg)
- 2024-05-13 17:57:33
- ប្រដាល់
១០គូរបស់ទូរទស្សន៍ TOWN កក្រើកកម្ពុជា នឹងមាន Views រាប់ម៉ឺននាក់ទស្សនាការ Online ទៀតហើយ
- 2024-05-13 17:57:33
- ចំនួនមតិ 0 | ចំនួនចែករំលែក 0
១០គូរបស់ទូរទស្សន៍ TOWN កក្រើកកម្ពុជា នឹងមាន Views រាប់ម៉ឺននាក់ទស្សនាការ Online ទៀតហើយ
ចន្លោះមិនឃើញ
ទូរទស្សន៍ TOWN បានធ្វើសន្និសីទសារព័ត៌មានប្រកាសជាផ្លូវការនៃការប្រកួតកម្មវិធី រាជសីហ៍ Kun Khmer បង្ហាញមុខសុទ្ធតែកីឡាករល្បីឈ្មោះជួរមុខនៅកម្ពុជាស្ទើរទាំងអស់ត្រៀមប៉ះអ្នកលេងគុនចិន ថ្ងៃទី១៤ ខែឧសភា ឆ្នាំ២០២៤ នៅទីក្រុងកោះពេជ្រ។
លោក Tommy Kim ទីប្រឹក្សាស្ថានីយទូរទស្សន៍ថោន (TOWN) បានឲ្យដឹងក្នុងកម្មវិធីសន្និសីទសារព័ត៌មានល្ងាចមិញនេះថា កម្មវិធីរាជសីហ៍ Kun Khmer ស្អែកនេះជាការផ្សព្វផ្សាយធំធេងចំពោះគុនខ្មែរទៅដល់ពិភពលោក និងជាការផ្សព្វផ្សាយពីវប្បធម៌ ភាពរីកចម្រើន តំបន់ទេសចរណ៍សក្ដានុពលរបស់កម្ពុជាផងដែរទៅអ្នកទស្សនារាប់លាននាក់ជាមិនខាន។
ស្ថាបនិកគុនខ្មែររបស់សង្វៀន TOWN ខាងលើនេះបន្ថែមទៀតថា ការខំប្រឹងប្រែងហ្វឹកហាត់ ការខំប្រឹងប្រែងប្រកួតដោយពីអស់សមត្ថភាពរបស់កីឡាករគុនខ្មែរបានធ្វើឲ្យក្រុមការងាររបស់ស្ថានីយផ្ទាល់កាន់តែមានទឹកចិត្តក្នុងការបង្កើតឲ្យមានកម្មវិធីប្រកួតធំៗផ្សេងៗជាបន្តបន្ទាប់ទៅទៀត។
បញ្ជាក់ដែរថា ការប្រកួតធំៗកន្លងទៅរបស់ទូរទស្សន៍ TOWN គឺទទួលបានជោគជ័យជាខ្លាំង និងទទួលបានការគាំទ្រ ទស្សនាផ្ទាល់ ទស្សនាលើប្រព័ន្ធ Online ជាច្រើនរាប់រយ K នាពេលកន្លងទៅ។ យ៉ាងណាការប្រកួតនៅថ្ងៃទី១៤ ឧសភា ២០២៤ នេះរឹតតែពិសេសដែលមានសុទ្ធតែជើងខ្លាំងប្រចាំប្រទេសកម្ពុជាដូចជា ម៉ឺន មេឃា សាន់ គុនខ្មែរ ភក្ដី គុនខ្មែរ ឈិត សេរីវណ្ណថង ពេជ្រ សម្បត្តិ ផល សោភ័ណ្ធ រឿង សោភ័ណ្ឌ និង ធឿន ធារ៉ា ជាដើម។ ការប្រកួតនេះនឹងចាប់ផ្ដើមវេលាម៉ោង ៨យប់តទៅនៅទីក្រុងកោះពេជ្រ ដោយផ្សាយផ្ទាល់លើទូរទស្សន៍ និងហ្វេសបុក TOWN៕
