- 2024-05-08 04:45:03
- ប្រដាល់
រិទ្ធី សូសែន៖ មានតែការខំប្រឹងប្រែងប៉ុណ្ណោះទើបអាចឈានទៅដណ្ដើមខ្សែក្រវាត់បាន
- 2024-05-08 04:45:03
- ចំនួនមតិ 0 | ចំនួនចែករំលែក 0
រិទ្ធី សូសែន៖ មានតែការខំប្រឹងប្រែងប៉ុណ្ណោះទើបអាចឈានទៅដណ្ដើមខ្សែក្រវាត់បាន
ចន្លោះមិនឃើញ
អ្នកលេងគុនខ្មែរ រិទ្ធី សូសែន ថាដើម្បីសម្រេចបំណងក្លាយជាម្ចាស់ខ្សែក្រវាត់ខារ៉ាបាវ គឺមានតែការខំប្រឹងប្រែងហ្វឹកហាត់ និងប្រកួតឲ្យអស់ពីសមត្ថភាពទើបអាចសម្រេចទៅបាន។
កូនសិស្សលោក ផាត់ សូដា ខាងលើនេះបានឲ្យដឹងថា ចំពោះសមាសភាពភាគីខាងថៃគឺរូបគេស្គាល់ខ្លះ និងមិនស្គាល់ខ្លះ។ យ៉ាងណាតាមបទពិសោធប៉ះបរទេសកន្លងទៅគឺការប្រកួតមិនសូវពិបាកដូចប៉ះខ្មែរគ្នាឯងនោះឡើយ ពោលបរទេស ឬថៃមិនសូវដឹងក្បាច់របស់ខ្លួន។
រិទ្ធី សូសែន បានដាក់ចិត្ត ដាក់កាយរួចហើយដើម្បីចូលរួមការប្រកួតដណ្ដើមខ្សែក្រវាត់រយៈពេល ៣ខែតទៅនេះ។ ពោលនឹងប្ដេជ្ញាខំប្រឹងប្រែងហ្វឹកហាត់ឲ្យបានល្អ ត្រៀមខ្លួនបានគ្រប់គ្រាន់មុនការប្រកួតមកដល់ដើម្បីប្រជែងយក៣ពិន្ទុនៅប្រកួតដំបូងសប្ដាហ៍នេះ និងប្រកួតក្រោយៗទៀត។
បញ្ជាក់ដែរថា កីឡាករ រិទ្ធី សូសែន ជាបេក្ខភាពកីឡាករខ្មែរមួយរូបក្នុងចំណោម ៣រូបទៀតដែលត្រូវប្រកួតវិលជុំសន្សំពិន្ទុដណ្ដើមខ្សែក្រវាត់ទម្ងន់ ៦០គីឡូក្រាមរដូវកាលទី១១ របស់សង្វៀនទូរទស្សន៍បាយ័ន។ រិទ្ធី សូសែន នឹងត្រូវប្រកួតសប្ដាហ៍ទី១ របស់ខ្លួននៅថ្ងៃអាទិត្យនេះហើយ៕
