- 2024-01-24 12:08:36
- ប្រដាល់
លោក យាង សុធន់៖ ប្រម៉ូតទ័រគុណភាពបង្ហើបពីការយកបរទេសមកស័ក្ដិសម និងមកប្រកួតអស់ៗ
- 2024-01-24 12:08:36
- ចំនួនមតិ 0 | ចំនួនចែករំលែក 0
លោក យាង សុធន់៖ ប្រម៉ូតទ័រគុណភាពបង្ហើបពីការយកបរទេសមកស័ក្ដិសម និងមកប្រកួតអស់ៗ
ចន្លោះមិនឃើញ
លោក យាង សុធន់ ប្រិយមិត្តអ្នកតាមដានប្រដាល់ប្រហែលជាមិនស្គាល់ ប៉ុន្តែគ្រូបង្វឹក និងម្ចាស់កម្មវិធីជាច្រើនច្បាស់ជាស្គាល់ ព្រោះជាប្រូម៉ូតទ័រមានចំណេះដឹង និងមានបទពិសោធច្រើនពិសេសបាននាំយកកីឡាករល្អៗល្បីឈ្មោះជាច្រើនធ្វើឲ្យកក្រើកកម្ពុជា។
លោក យាង សុធន់ បានបង្ហើបពីការផ្គូផ្គងគូប្រដាល់ និងការនាំយកបរទេសនាពេលកន្លងទៅគឺលោកតែងតែរកកីឡាករបរទេសឲ្យបានច្រើនដើម្បីឲ្យអ្នកទស្សនាគុនខ្មែរបានប្លែកភ្នែក និងមានការជក់ចិត្តពេលឡើងសង្វៀន។ ការចាប់គូមិនមែនធ្វើឲ្យតែរួចនោះទេ ពិសេសចំណាយពេលថ្លឹងថ្លែង និងផ្ដោតពិនិត្យលើសមត្ថភាពជាខ្លាំង។ ពិសេសបរទេសដែលមិនធ្លាប់មានបទពិសោធប្រកួតបែបបរិយាកាសដូចគុនខ្មែរ ដូច្នេះអាចនឹងចាញ់ស្រាបទឹកដីចាញ់សំឡេងហ៊ោជាដើមនាំឲ្យការប្រកួតខុសពីការរំពឹងទុក។
ជាក់ស្ដែងអំឡុងការចាប់គូក្នុងកម្មវិធី Ganzberg Idol Kun Khmer និង ២កម្មវិធីកន្លងទៅនោះគឺមានការលំបាកជាខ្លាំងដោយសារតែចំរដូវបុណ្យ Chrismas បុណ្យចូលឆ្នាំសកល និងជារដូល High Season ដែលជាអំឡុងពេលគេមានការប្រកួតច្រើននៅបរទេស ដូច្នេះពិសេសក្នុងការយកបរទេសល្អៗមកប្រកួត។
ប្រម៉ូតទ័រ ឬអ្នកដឹកនាំកីឡាករដែលមានបទពិសោធខាងលើបន្ថែមទៀតថា ៣ការប្រកួតដែលលោករៀបចំនៅទូរទស្សន៍ BTV កន្លងទៅនេះគឺមិនទាន់ពេញចិត្តសម្រាប់ខ្លួនឯងនោះឡើយ។ នៅការប្រកួតក្រោយៗទៀតលោកនឹងព្យាយាមយកកីឡាករល្អៗ ប្លែកៗ ជូនអ្នកគាំទ្រគុនខ្មែរជាងបច្ចុប្បន្ននេះទៅទៀត។ មួយវិញទៀតអាចនឹងងាយស្រួលផងដែរ ព្រោះផុតរដូវដែលបរទេសរវល់ច្រើនហើយ។
បន្ថែមពីនេះទៅទៀតលោកបញ្ជាក់ថា ក្រៅតែរៀបចំការប្រកួតដែលមានរង្វាន់ធំៗនៅបាយ័ន BTV នេះហើយនៅពេលខាងមុខគ្រោងនឹងរៀបចំការប្រកួតដណ្ដើមខ្សែក្រវាត់ពិភពលោកឆាប់ៗជាមិនខានជូនប្រិយមិត្តគុនខ្មែរឲ្យកក្រើត។
បញ្ជាក់ដែរថា លោក យាង សុធន់ ជាប្រូម៉ូតទ័រដែលមានស្នាដៃមួយរូបនៅកម្ពុជា។ លោកធ្លាប់បាននាំយកកីឡាករខ្លាំងៗជាច្រើនមកប្រកួតនៅកម្ពុជាក្នុងកម្មវិធីគុនខ្មែរអលស្តារ នៅសង្វៀន PNN និងមានកម្មវិធីជាច្រើនទៀត។ ការងារច្រើនជាមួយប្រដាល់ ប៉ុន្តែលោកមិនដែលសូវបង្ហាញមុខនោះទេ។ បច្ចុប្បន្នលោកក៏ជាអ្នករៀបចំកម្មវិធីប្រដាល់មួយរូបនៅទូរទស្សន៍បាយ័ន។ ការប្រកួតដណ្ដើមឡានរបស់ លន បញ្ញា ឃឹម បូរ៉ា គឺជាការរៀបចំដោយលោកផ្ទាល់ផងដែរ៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
