- 2024-01-06 09:35:43
- ប្រដាល់
កក្រើកកម្មវិធី Idol Kunkhmer របស់សង្វៀន BTV ហើយ ឃីម បូរ៉ា ចេញមុខសងសឹក ខាំភូ ឲ្យ ពេជ្រ សម្បត្តិ ស្អែកនេះ
- 2024-01-06 09:35:43
- ចំនួនមតិ 0 | ចំនួនចែករំលែក 0
កក្រើកកម្មវិធី Idol Kunkhmer របស់សង្វៀន BTV ហើយ ឃីម បូរ៉ា ចេញមុខសងសឹក ខាំភូ ឲ្យ ពេជ្រ សម្បត្តិ ស្អែកនេះ
ចន្លោះមិនឃើញ
ច្បាស់ជាកក្រើកសង្វៀន BTV ហើយក្នុងកម្មវិធី Idol Kunkhmer ស្អែកនេះសុទ្ធតែគូល្អៗពិសេសនោះការចេញមុខមកសងសឹករបស់ ឃីម បូរ៉ា ជាមួយជើងខ្លាំងឡាវ ខាំភូ (Kampoo) ជំនួសអ្នកលេងគុនខ្មែរ ពេជ្រ សម្បត្តិ ដែលធ្លាប់សន្លប់ធំកន្លងទៅ។
កាលពីព្រឹកថ្ងៃទី៦ ខែមករា ឆ្នាំ២០២៤ នេះ BTV បានធ្វើសន្និសីទសារព័ត៌មានរួចរាល់ហើយបង្ហាញពីសមាសភាព និងចំណាប់អារម្មណ៍របស់ម្ចាស់រៀបចំកម្មវិធី ម្ចាស់ឧបត្ថម្ភធំ GANZBER ក៏ដូចជាកីឡាករឆ្នើមៗដែលនឹងត្រូវប្រកួតផងដែរ។
កីឡាករ ឃីម បូរ៉ា បានលើកឡើងថា កីឡាករឡាវ ខាំភូ (Kampoo) ដែលជាដៃគូម្នាក់នេះមានអាវុធល្អគ្រប់គ្រឿងហើយមិនអាចមើលស្រាលបានឡើយ។ ចំពោះក្ដីសង្ឃឹមថានឹងឈ្នះប៉ុន្មានភាគរយនោះរូបគេមិនទាន់អាចនិយាយបានឡើយ ព្រោះពេលឡើងដល់សង្វៀនអ្វីៗក៏អាចនឹងកើតឡើងបានដែរ។ យ៉ាងណា ឃីម បូរ៉ា សន្យាថាពេលឡើងដល់សង្វៀននឹងប្រឹងឲ្យអស់ពីសមត្ថភាពប្រកួតជូនអ្នកគាំទ្រ។
បញ្ជាក់ដែរថា កម្មវិធី Idol Kunkhmer ឬជំនួបកំពូលអ្នកប្រយុទ្ធគុនខ្មែរអន្តរជាតិរបស់សង្វៀន BTV ស្អែកនេះគឺមាន៦គូ។ គូទី១ អេលីត រស្មី ប៉ះ SITRAK POR គូទី២ ឃីម បូរ៉ា ប៉ះ KAMPOO គូទី៣ ឡុង សំណាង ប៉ះ CHAIBURI គូទី៤ លន បញ្ញា ប៉ះ VICTOR គូទី៥ ពេជ្រ សម្បត្តិ ប៉ះ EMRE OZMEN គូទី៦ រឿង សោភ័ណ្ឌ ប៉ះ SEMIH។ ការប្រកួតនេះនឹងធ្វើឡើងចាប់ពីម៉ោង ៧យប់តទៅនៅទីតាំង OCIC ជ្រោយចង្វា រាជធានីភ្នំពេញ និងផ្សាយតាមទូរទស្សន៍ BTV៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
