លោក ជួប វុត្ថា៖កម្មវិធីរាជសីហ៍គុនខ្មែរយប់មិញ ឈឿន ល្វៃ ទទួលបានប្រាក់សរុប ៣,៥០០ដុល្លារដូច្នេះអ្នកប្រដាល់ផ្សេងៗត្រូវពង្រឹងសមត្ថភាពឡើង

2023-12-22 09:31:06
ប្រដាល់

2023-12-22 09:31:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីករប្រដាល់នៅសង្វៀន TOWN លោក ជួប វុត្ថា លើកឡើងពីប្រាក់រង្វាន់ និងការឧបត្ថម្ភនានាក្នុង កម្មវិធីរាជសីហ៍គុនខ្មែរ យប់មិញនេះគឺ ឈឿន ល្វៃ ឈ្នះខ្សែក្រវាត់ ១គ្រឿង និងអមដោយទឹកប្រាក់ ៣,៥០០ដុល្លារ ដូច្នេះកីឡាករគុនខ្មែរផ្សេងៗត្រូវពង្រឹងសមត្ថភាពឲ្យកាន់តែខ្លាំង។

លោក ជួប វុត្ថា

លោក ជួប វុត្ថា បានឡើងក្នុងវីដេអូដែលបង្ហោះលើហ្វេសបុកផេករបស់លោកថា កម្មវិធីរាជសីហ៍គុនខ្មែរ ដែលឧបត្ថម្ភដោយ GANZBERG នេះបញ្ចប់ទៅដោយរលូន និងទទួលបានជោគជ័យជាខ្លាំង។ ពិធីករល្បីឈ្មោះរូបនេះក៏សូមថ្លែងអំណរគុណចំពោះប្រិយមិត្តដែលតែងតែស្រឡាញ់ និងគាំទ្ររាល់ការប្រកួតរបស់សង្វៀន TOWN។

កីឡាករ ឈឿន ល្វៃ និងដៃគូ

បន្ថែមពីនេះ MC Vutha ចង់បញ្ជាក់ទៅកាន់កីឡាករគុនខ្មែរទាំងជើងចាស់ និងថ្នាលថ្មីៗឲ្យខំប្រឹងប្រែងហ្វឹកហាត់ បង្កើនសមត្ថភាពខ្លាំងពូកែ ប្រកួតឲ្យបានល្អដើម្បីមានឱកាសឡើងកម្មវិធីធំៗដូចជានៅសង្វៀន TOWN យប់មិញនេះជាដើម។ ព្រោះគ្រាន់តែ ១ប្រកួតរបស់ ឈឿន ល្វៃ យប់មិញគឺទទួលបានខ្សែក្រវាត់ ១គ្រឿង និងប្រាក់រង្វាន់ ៣,០០០ដុល្លារ និងការឧបត្ថម្ភពីឯកឧត្ដម វ៉ា សុធា និងលោកជំទាវ ២លានរៀលទៀត ដូច្នេះថវិកាសរុបឡើងដល់ ៣,៥០០ដុល្លារទៅហើយ។

លោក ជួប វុត្ថា

ពិធីករប្រដាល់ប្រចាំសង្វៀន TOWN ខាងលើនេះសូមថ្លែងអំណរគុណជាខ្លាំងដល់ឯកឧត្ដម វ៉ា សុធា និងលោកជំទាវ ដែលតែងតែជួយគាំទ្រ និងឧបត្ថម្ភកីឡាករគុនខ្មែរជារៀងរហូតមកពិសេសនោះយប់មិញចំណាយថវិកាសរុបដល់ទៅ ១០លានរៀលឯណោះរួមទាំងការឧបត្ថម្ភដល់ លោក អេ ភូថង ចំនួន២លានរៀលផងដែរ៕

វីដេអូលោក ជួប វុត្ថា៖

SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB

អត្ថបទ៖ នួន ស៊ីណា