- 2023-12-22 04:02:01
- កីឡាផ្សេងៗ
កីឡាករ គង់ ម៉ូណាមិថុរ៉ា ធ្លាប់តែស្រមៃឥលូវក្ដីស្រមៃនេះអាចក្លាយជាការពិតហើយនៅថ្ងៃស្អែកនេះ
- 2023-12-22 04:02:01
- ចំនួនមតិ 0 | ចំនួនចែករំលែក 0
កីឡាករ គង់ ម៉ូណាមិថុរ៉ា ធ្លាប់តែស្រមៃឥលូវក្ដីស្រមៃនេះអាចក្លាយជាការពិតហើយនៅថ្ងៃស្អែកនេះ
ចន្លោះមិនឃើញ
កីឡាករ គង់ ម៉ូណាមិថុរ៉ា ថាពីមុនមកធ្លាប់តែគិតស្រមៃថាថ្ងៃណាមួយមានការប្រកួតជើងឯកថ្នាក់ជាតិ ឬពានរង្វាន់ហាប់គីដូ ឥលូវនេះអាចនឹងក្លាយជាការពិតហើយនៅថ្ងៃទី២៣-២៤ ធ្នូ ២០២៣ ស្អែកនេះ។
គង់ ម៉ូណាមិថុរ៉ា បានឲ្យដឹងថា រូបគេហ្វឹកហាត់កីឡាហាប់គីដូនេះតាំងពីឆ្នាំ២០០៧ មកម្ល៉េះបើគិតទៅប្រហែលជិត ២០ឆ្នាំហើយ។ ដោយក្ដីស្រឡាញ់ និងចង់ខ្លាំងពូកែដូចជាឪពុកដែលជាគ្រូបង្ហាត់ហាប់គីដូទើបជំរុញដល់ខ្លួនឲ្យហាត់រហូតមកដល់ពេលនេះ។
កីឡាករវ័យ ២៦ឆ្នាំខាងលើបន្ថែមទៀតថា តាំងពីហ្វឹកហាត់ហាប់គីដូជិត ២០ឆ្នាំមិនដែលធ្លាប់មានការប្រកួតប្រជែងជើងឯកថ្នាក់ជាតិ ឬពានរង្វាន់អ្វីនោះឡើយគឺមានត្រឹមតែសម្ដែងជូនថ្នាក់ដឹកនាំ ឬសម្ដែងក្នុងកម្មវិធីដំឡើងខ្សែក្រវាត់ប៉ុណ្ណោះ។ ឥលូវនេះអ្វីដែលធ្លាប់ស្រមៃចង់ឲ្យមានការប្រកួតជើងឯកថ្នាក់ជាតិដូចប្រភេទកីឡាផ្សេងនោះអាចនឹងក្លាយជាការពិតហើយនៅថ្ងៃស្អែកនេះ ព្រោះសហព័ន្ធហាប់គីដូ បានរៀបចំការប្រកួតជើងឯកលើកទី១ របស់ខ្លួននៅថ្ងៃទី២៣-២៤ ខែធ្នូ ២០២៣ នេះហើយ។
សិស្សគុនហាប់គីដូរូបនេះបង្ហាញអារម្មណ៍រំភើបជាខ្លាំងដែលថ្នាក់ដឹកនាំសហព័ន្ធរៀបចំព្រឹត្តិការណ៍នេះឡើង ព្រោះវានឹងផ្ដល់ឱកាសដល់កីឡាករ កីឡាការិនីទាំងអស់បានបង្ហាញសមត្ថភាពរបស់ខ្លួន។ ម៉ូណាមិថុរ៉ា ផ្ដាំផ្ញើដល់កីឡាករ កីឡាការិនីទាំងអស់ត្រៀមខ្លួនឲ្យបានល្អសម្រាប់ការប្រកួតស្អែកនេះ ពិសេសប្រឹងប្រែងដណ្ដើមមេដាយទី១ ក្នុងព្រឹត្តិការណ៍ជើងឯកថ្នាក់ជាតិ ឆ្នាំ២០២៣ នេះ។
បញ្ជាក់ដែរថា ការប្រកួតជើងឯកថ្នាក់ជាតិ លើកទី១ របស់សហព័ន្ធខ្មែរកីឡាហាប់គីដូនេះធ្វើឡើងនៅថ្ងៃទី២៣-២៤ ខែធ្នូ ២០២៣ ក្នុងពហុកីឡដ្ឋានជាតិ។ ក្លឹបចូលរួមមានចំនួន៥ នឹងត្រូវប្រកួតលើ៥វិញ្ញាសា។ សម្រាប់អ្នកចង់ចូលរួមឧបត្ថម្ភដល់ការប្រកួតនេះអាចទំនាក់ទំនងមកកាន់លោក គង់ ចាន់ធីណា បានតាមរយៈលេខទូរស័ព្ទ 012 715 415៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
