- 2024-11-06 04:29:08
- កីឡាផ្សេងៗ
ប្រធានសហព័ន្ធតេក្វាន់ដូ WT បន្ទាប់ពីបញ្ចប់ការប្រកួតកីឡាជាតិនេះទៅសូមបន្តប្រឹងប្រែងហ្វឹកហាត់បន្ថែមទៀត
- 2024-11-06 04:29:08
- ចំនួនមតិ 0 | ចំនួនចែករំលែក 0
ប្រធានសហព័ន្ធតេក្វាន់ដូ WT បន្ទាប់ពីបញ្ចប់ការប្រកួតកីឡាជាតិនេះទៅសូមបន្តប្រឹងប្រែងហ្វឹកហាត់បន្ថែមទៀត
ចន្លោះមិនឃើញ
ប្រធានសហព័ន្ធតេក្វាន់ដូ WT លើកទឹកចិត្តដល់ដល់កីឡាករ កីឡាការិនីមកចូលរួមក្នុងការប្រកួតកីឡាជាតិលើកទី៤ ដែលបញ្ចប់ទៅថ្មីៗនេះសូមបន្តខំប្រឹងប្រែងហ្វឹកហាត់បន្ថែមទៀតបង្កើនសមត្ថភាពត្រៀមការប្រកួតផ្សេងៗនាពេលខាងមុខ។
ឯកឧត្ដម ហង់ជួន ណារ៉ុន ប្រធានកីឡាខាងលើបានឲ្យដឹងក្នុងថ្ងៃបិទការប្រកួតប្រភេទកីឡាតេក្វាន់ដូ WT ថ្មីៗនេះថា តាមរយៈការទស្សនានៃការប្រកួត និងអមដោយរបាយការណ៍របស់គណៈកម្មការរៀបចំការប្រកួតមើលឃើញថាកីឡាករ កីឡាការិនីមានការខំប្រឹងប្រែងជាខ្លាំងក្នុងការប្រកួតពិសេសការបញ្ចេញនូវសមត្ថភាពដោយមិនលាក់បាំង ឬខ្លាចហត់នឿយនោះទេ។
នាឱកាសនោះផងដែរឯកឧត្ដមបានលើកទឹកចិត្តដល់កីឡាករ កីឡាការិនីទាំងអស់មិនថាម្ចាស់មេដាយ ឬអ្នកមិនទទួលបានជ័យជម្នះក៏ដោយគឺត្រូវបន្តប្រឹងប្រែងហ្វឹកហាត់ តស៊ូ ជម្នះឧបសគ្គនានាដើម្បីបង្កើនសមត្ថភាពឲ្យរឹតតែខ្លាំងត្រៀមសម្រាប់ការប្រកួតផ្សេងៗទៀតនៅពេលខាងមុខជូនក្លឹប ស្ថាប័ន និងជូនជាតិមាតុភូមិ។
បញ្ជាក់ដែរថា សហព័ន្ធកីឡាតេក្វាន់ដូ WT បានបិទបញ្ចប់ការប្រកួតកីឡាជាតិលើកទី៤ របស់ខ្លួនហើយកាលពីថ្ងៃទី៣ ខែវិច្ឆិកា ឆ្នាំ២០២៤ នៅក្នុងពហុកីឡដ្ឋានជាតិ។ ចំណាត់ថ្នាក់លេខ១ បានលើក្រសួងមហាផ្ទៃដណ្តើម ឈ្នះមេដាយសរុប ១២ (មាស ១០ ប្រាក់ ១ និងសំរឹទ្ធ ១) លេខ២ ក្រសួងការពារជាតិ ឈ្នះមេដាយសរុប ១០ (មាស ៣ ប្រាក់ ៥ និងសំរឹទ្ធ ២) និងលេខ៣ ខេត្តបាត់ដំបង ឈ្នះមេដាយសរុប ៨ (មាស ២ ប្រាក់ ៣ និងសំរឹទ្ធ ៣)៕
