- 2024-11-18 08:14:32
- កីឡាផ្សេងៗ
រថយន្ត OFF ROAD ជាតិ-អន្តរជាតិ នឹងធ្វើឲ្យកក្រើកខេត្តព្រះសីហនុ ២៨ វិច្ឆិកា ដល់ ១ ធ្នូ ឆ្នាំ២០២៤
- 2024-11-18 08:14:32
- ចំនួនមតិ 0 | ចំនួនចែករំលែក 0
រថយន្ត OFF ROAD ជាតិ-អន្តរជាតិ នឹងធ្វើឲ្យកក្រើកខេត្តព្រះសីហនុ ២៨ វិច្ឆិកា ដល់ ១ ធ្នូ ឆ្នាំ២០២៤
ចន្លោះមិនឃើញ
ព្រឹត្តិការណ៍ប្រណាំងរថយន្ត OFF ROAD ដែលនឹងប្រព្រឹត្តិទៅចាប់ពីថ្ងៃទី២៨ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៤ នេះនឹងធ្វើឲ្យកក្រើកខេត្តព្រះសីហនុ ខណៈអ្នកចុះឈ្មោះទាំងជាតិ-អន្តរជាតិ បានប្រមាណ ៦០គ្រឿងហើយ។
អនុប្រធានសហព័ន្ធកីឡាយានយន្ត ឯកឧត្ដម ទៀ ស្យាម បានឲ្យដឹងក្នុងសន្និសីទសារព័ត៌មានព្រឹកមិញនេះថា សម្រាប់ការចុះឈ្មោះផ្នែកជាតិគិតដល់មកដល់ពេលនេះមានប្រមាណ ៤០គ្រឿងមកហើយចំណែកផ្នែកអន្តរជាតិមានប្រមាណ ២០គ្រឿង។ ក្នុងនោះអន្តរជាតិមានប្រទេសថៃ ឡាវ វៀតណាម និងចិន។ យ៉ាងណាការទទួលចុះឈ្មោះក៏កៀកនឹងបញ្ចប់ផងដែរ ដូច្នេះចំពោះអ្នកចង់ចូលរួមសូមរួសរាន់។
តំណាងសហព័ន្ធកីឡាយានយន្តរូបនេះបន្ថែមទៀតថា គោលបំណងរៀបចំព្រឹត្តិការណ៍ប្រណាំងរថយន្ត OFF ROAD អន្តរជាតិនៅខេត្តព្រះសីហនុគឺចង់ពង្រីកផ្សព្វផ្សាយវិស័យកីឡាមួយនេះកាន់តែការគាំទ្រកាន់តែច្រើនផង និងជួយផ្សព្វផ្សាយខេត្តតំបន់ទេសចរណ៍ដែលមានឆ្នេរខ្សាច់ ទេសភាពដ៏ស្រស់ស្អាតដល់អន្តរជាតិបានស្គាល់បន្ថែមទៀត។
បញ្ជាក់ដែរថា កាលពីព្រឹកថ្ងៃទី១៨ ខែវិច្ឆិកា ឆ្នាំ២០២៤ នៅ NOCC នេះសហព័ន្ធកីឡាយានយន្ត និងមហាគ្រួសារ រថយន្ត OFF ROAD បានធ្វើសន្និសីទសារព័ត៌មានប្រកាសពីព្រឹត្តិការណ៍ប្រណាំងរថយន្ត OFF ROAD អន្តរជាតិ ក្នុងខេត្តព្រះសីហនុ។ ព្រឹត្តិការណ៍មិញនេះផងដែរមានការអញ្ចើញចូលរួមពីឯកឧត្ដម ទៀ ស្យាម អនុប្រធានសហព័ន្ធកីឡាយានយន្ត និងផ្នែកគ្រប់គ្រង ផ្នែកបច្ចេកទេស នៃមហាគ្រួសាររថយន្ត OFF ROAD ផងដែរ៕
