- 2024-11-05 03:41:02
- កីឡាផ្សេងៗ
CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ
- 2024-11-05 03:41:02
- ចំនួនមតិ 0 | ចំនួនចែករំលែក 0
CamEd Basketball Tournament 2024 ជាការរួមចំណែកលើកកម្ពស់សុខភាពផ្លូវកាយ និងផ្លូវចិត្តសិស្សៗ
ចន្លោះមិនឃើញ
កាលពីរសៀលថ្ងៃទី២ ខែវិច្ឆិកា ឆ្នាំ ២០២៤ កន្លងទៅថ្មីៗនេះវិទ្យាស្ថានខេមអេដ បានរៀបចំការប្រកួត CamEd Men’s&Women’s Basketball Tournament 2024 ដែលគោលបំណងធំនោះគឺលើកកម្ពស់សុខភាពទាំងផ្លូវកាយ ផ្លូវចិត្ត និងជាការបំផុសចលនាកីឡាដល់យុវជនផងដែរ។
ថ្លែងក្នុងពិធីបើកការប្រកួតនោះលោកសាស្ត្រាចារ្យ ព្រុំ វិរៈ តំណាងវិទ្យាស្ថានខេមអេដ (CamEd) បានឲ្យដឹងថា ចំពោះលទ្ធផលចាញ់-ឈ្នះ វាជារឿងធម្មតានោះទេ អ្វីដែលសំខាន់គឺបានចូលរួមលេងកីឡានៅពេលនេះ។ កីឡាគឺមានសារសំខាន់សម្រាប់សុខភាពដូចជាជួយឲ្យមានសុខភាពផ្លូវចិត្តល្អ សុខភាពផ្លូវកាយល្អ និងបង្កើនឲ្យមានទំនាក់ទំនង និងសាមគ្គីជាក្រុមផងដែរ។ តាមរយៈការប្រកួតបាល់បោះនេះគឺជាការបំផុសគំនិតដ៏ល្អដល់យុវជនឲ្យងាកមកលេងកីឡាចាប់អារម្មណ៍លើវិស័យកីឡាក្នុងជីវភាពរស់នៅប្រចាំថ្ងៃ។
បញ្ជាក់ដែរថា ពិធីបើកការប្រកួត CamEd Men’s & Women’s Basketball Tournament 2024 នេះធ្វើឡើងក្នុងទីលាន Platinum Sport Center បុរី ប៉េង ហួត បឹងស្នោ។ ការប្រកួតនេះមានការចូលរួមពីនិស្សិត ១៩៣នាក់ត្រូវជា ២៩ក្រុម (បុរស ១៥ក្រុម ចែកជា ៤ពូល និងក្រុមនារី ចំនួន១៤ ចែកជា ៤ពូល)។ ការប្រកួតបន្តរហូតដល់ថ្ងៃទី១០ ខែវិច្ឆិកា ឆ្នាំ២០២៤៕
