- 2023-10-19 07:08:25
- ប្រដាល់
សុខ ធី៖ អ្នកគាំទ្រខ្មែរខុសពីថៃ នៅថៃបើគេបិទលេងលុយលែងមានអ្នកមើលប្រដាល់ហើយ
- 2023-10-19 07:08:25
- ចំនួនមតិ 0 | ចំនួនចែករំលែក 0
សុខ ធី៖ អ្នកគាំទ្រខ្មែរខុសពីថៃ នៅថៃបើគេបិទលេងលុយលែងមានអ្នកមើលប្រដាល់ហើយ
ចន្លោះមិនឃើញ
កីឡាករជើងខ្លាំង សុខ ធី ថាចំពោះអ្នកគាំទ្រកម្ពុជាគឺល្អ និងមានចំនួនច្រើន ខុសពីអ្នកគាំទ្រនៅប្រទេសថៃ។ ប្រសិនបើខាងប្រទេសថៃគេបិទលែងឲ្យលេងលុយ(ភ្នាល់លុយ)អាចនឹងលែងមានអ្នកចូលមើលប្រដាល់ដូចគ្នា។
ឆ្លើយតបទៅនិងកិច្ចសម្ភាសមួយនាពេលថ្មីៗនេះ សុខ ធី បង្ហាញការយល់ឃើញរបស់ខ្លួនថា កម្ពុជាមានអ្នកគាំទ្រប្រដាល់ច្រើន និងចូលចិត្តទស្សនាផ្ទាល់។ អាចនិយាយថាគាំទ្រចេញពីបេះដូង។ ខុសពីខាងប្រទេសថៃ អ្នកគាំទ្រភាគច្រើនគឺទៅលេងលុយ (ភ្នាល់លុយ)។ ប្រសិនគេបិទលែងឲ្យលេងលុយនោះ ប្រហែលលែងមានអ្នកចូលទៅមើលផ្ទាល់ដូចគ្នាដែរ។
ពាក់ព័ន្ធនិងការផ្សព្វផ្សាយក្បាច់គុនវិញកីឡាករដើមកំណើតពីខេត្តបន្ទាយមានជ័យ ខាងលើបញ្ជាក់ថា បច្ចុប្បន្នកីឡាករកម្ពុជាគឺល្អហើយ ប៉ុន្តែភាគច្រើនប្រកួតតែក្នុងប្រទេស។ ប្រសិនបើចេញទៅប្រកួតនៅបរទេសបានច្រើននោះរឹតតែល្បី និងមានគេស្គាល់ជាងនេះទៅទៀត។
បញ្ជាក់ដែរថា សុខ ធី ជាកីឡាករល្បីឈ្មោះមួយរូបទាំងនៅក្នុងប្រទេសកម្ពុជា និងប្រទេសថៃ។ រូបគេធំធាត់ និងប្រឡូកប្រដាល់ជាយូរឆ្នាំហើយក្នុងប្រទេសថៃ។ បច្ចុប្បន្ននេះ សុខ ធី បានវិលកម្ពុជាវិញហើយជាមួយភរិយា និងកូនប្រុសដោយកំពុងរួមរស់ជាមួយក្លឹបប្រដាល់ Kun Khmer International Fight Gym (KKIF) របស់លោកឧកញ៉ា ស្រី ចាន់ថន។ ថ្ងៃអាទិត្យ ទី២២ ខែតុលា ឆ្នាំ២០២៣ នេះរូបគេនឹងត្រូវប្រកួតម៉ារ៉ាតុងនៅសង្វៀន Town ចាប់ពីម៉ោង១១ព្រឹកតទៅ៕
