- 2023-09-13 03:32:34
- ប្រដាល់
កម្មវិធីគុនខ្មែរអលស្តារ ធ្វើឲ្យបុរសម្នាក់នេះទទួលបានបទពិសោធថ្មី និងរឹតតែមានគេស្គាល់
- 2023-09-13 03:32:34
- ចំនួនមតិ 0 | ចំនួនចែករំលែក 0
កម្មវិធីគុនខ្មែរអលស្តារ ធ្វើឲ្យបុរសម្នាក់នេះទទួលបានបទពិសោធថ្មី និងរឹតតែមានគេស្គាល់
ចន្លោះមិនឃើញ
កម្មវិធីប្រដាល់ គុនខ្មែរអលស្តារ របស់លោក ស៊ន អេលីត បានធ្វើឲ្យអេដមីន គឹម សង់ ទទួលបានបទពិសោធថ្មីៗជាច្រើនពាក់ព័ន្ធការអធិប្បាយប្រដាល់ជាផ្លូវការ និងបានស្គាល់ពិភពលោកខាងក្រៅ។
លោក គឹម សង់ បានឲ្យដឹងថា ការផ្ដល់ឱកាសពីលោក ស៊ន អេលីត ឲ្យខ្លួនបានធ្វើជាពិធីករ និងជាអ្នកអធិប្បាយក្នុងកម្មវិធីគុនខ្មែរអលស្តារ តាំងពីវគ្គទី១ មកដល់ពេលនេះគឺទទួលបានបទពិសោធច្រើនមែនទែន។ ក្នុងនោះគឺធ្វើឲ្យខ្លួនមានបទពិសោធនិយាយលក្ខណៈផ្លូវការ ទទួលបានការណែនាំល្អៗពីពិធីករដែលជារៀមច្បង និងបានកែប្រែចំណុចខ្វះខាតមួយចំនួនឲ្យប្រសើរឡើងជាបន្តបន្ទាប់។
កូនអ្នកកំពង់ធំខាងលើនេះបន្ថែមទៀតថា ក្រៅតែពីបទពិសោធច្រើនលើការអធិប្បាយហើយនោះ ខ្លួនក៏ទទួលបានឱកាសចេញក្រៅប្រទេសស្គាល់ពិភពលោកកាន់តែច្រើនផងដែរ។ លើសពីនេះទៅទៀតកេរ្តិ៍ឈ្មោះលើវិស័យប្រដាល់គុនខ្មែរកាន់ល្បីមានគេស្គាល់ច្រើនជាងមុន។
អេដមីន គឹម សង់ ក៏សូមថ្លែងអំណរគុណផងដែរដល់ស្ថាបនិកគុនខ្មែរអលស្តារគឺលោក ស៊ន អេលីត ដែលបានផ្ដល់ឱកាសពិសេសខាងលើនេះ និងអរគុណដល់អ្នកគាំទ្រទាំងឡាយដែលចូលចិត្ត និងរិះគន់ក្នុងន័យស្ថាបនានាពេលកន្លងមកធ្វើឲ្យខ្លួនរឹតតែល្អប្រសើរឡើងដូចសព្វថ្ងៃនេះ។ បញ្ជាក់ដែរថា លោក គឹម សង់ ជាអេដមីនប្រដាល់ល្បីឈ្មោះមួយរូបនៅកម្ពុជានាពេលបច្ចុប្បន្ននេះ។ កម្មវិធីប្រដាល់តូចធំគឺតែងតែឃើញរូបគេចុះទៅផ្ទាល់ និងសម្ភាសកីឡាករ។ មួយវិញទៀតអេដមីន រូបនេះក៏ជាអ្នកផ្ដួចផ្ដើមបង្កើត មូលនិធិគុនខ្មែរ ជួយដល់កីឡាករ កីឡាការិនីមានរបួសផងដែរ៕
