- 2022-10-17 03:10:45
- ប្រដាល់
មហាជនគាំទ្រគុនខ្មែរនិយាយបែបនេះដាក់ ធន់ ចាន់តាក់ ក្រោយចាញ់ធ្ងន់ធ្ងរយប់មិញ
- 2022-10-17 03:10:45
- ចំនួនមតិ 0 | ចំនួនចែករំលែក 0
មហាជនគាំទ្រគុនខ្មែរនិយាយបែបនេះដាក់ ធន់ ចាន់តាក់ ក្រោយចាញ់ធ្ងន់ធ្ងរយប់មិញ
ចន្លោះមិនឃើញ
មហាជនដែលគាំទ្រគុនខ្មែរបន្ទាប់ពីទស្សនាការប្រកួតរួច និងឃើញរូបភាពចាញ់ធ្ងន់ធ្ងររបស់ ធន់ ចាន់តាក់ យប់មិញនៅសង្វៀនថៃហ្វៃ (Thai Fight) គឺពោលពាក្យអាណិតជាខ្លាំង។
បន្ទាប់ពីលទ្ធផលចេញហើយគឺ ធន់ ចាន់តាក់ ចាញ់កីឡាករម្ចាស់ផ្ទះ PTT V.rujirawong នៅទឹកទី១ ភ្លាមមានអ្នកគាំទ្រគុនខ្មែរដែលតាមដានការប្រកួតលើហ្វេសបុកបានបញ្ចេញមតិច្រើនអំពីជំនួបមួយនេះ។ យ៉ាងណាដោយសារស្ថានភាពចាញ់ធ្ងន់ធ្ងររបស់ ចាន់តាក់ គឺធ្វើឲ្យអ្នកគាំទ្រគុនខ្មែរមានការអាណិតអាសូរជាខ្លាំង ពោលឃើញរូបភាពអង្គុយដាក់ដៃលើជង្គង់ និងបែកមុខមាត់រហូតអាជ្ញាកណ្ដាលបញ្ឈប់ភ្លាមៗនៅទឹកទី១។
ក្រៅតែពីការអាណិតអាសូរអ្នកគាំទ្រមួយចំនួនទៀតក៏បានលើកទឹកចិត្តរូបគេថា «ធ្វើបានល្អហើយ យើងតូចជាងគេ យើងនៅខ្ចីបទពិសោធ» ប៉ុន្តែមួយចំនួនក៏បង្ហាញការឈឺចាប់ចំពោះបរាជ័យខាងលើ និងខ្លះៗទៀតរិះគន់ថាដឹងលទ្ធផលមុនហើយគូនេះ ឬឡើងទៅសម្រាប់តែគេវ៉ៃជាដើម។
រំលឹកដែរថា ម្សិលមិញនេះកីឡាករកម្ពុជា ២រូបបានចូលរួមប្រកួតក្នុងកម្មវិធីប្រដាល់ថៃហ្វៃ (Thai Fight) នៅប្រទេសថៃ។ ថៃ រិទ្ធី ចាញ់កីឡាករ Saiyok ក្នុងទឹក២ ចំណែក ធន់ ចាន់តាក់ ចាញ់កីឡាករ PTT V.rujirawong នៅទឹកទី១៕
