- 2022-09-29 07:35:56
- ប្រដាល់
កាន់តែកៀកថ្ងៃហើយខ្លាំងប៉ះខ្លាំង! ធន់ ផានិត ឬ ពេជ្រ សម្បត្តិ ជាអ្នកឡើងទៅវគ្គផ្ដាច់ព្រ័ត្រ
- 2022-09-29 07:35:56
- ចំនួនមតិ 0 | ចំនួនចែករំលែក 0
កាន់តែកៀកថ្ងៃហើយខ្លាំងប៉ះខ្លាំង! ធន់ ផានិត ឬ ពេជ្រ សម្បត្តិ ជាអ្នកឡើងទៅវគ្គផ្ដាច់ព្រ័ត្រ
ចន្លោះមិនឃើញ
វគ្គពាក់កណ្ដាលផ្ដាច់ព្រ័ត្រខ្សែក្រវាត់ខារ៉ាបាវ ទម្ងន់ ៦០គីឡូក្រាមគឺកាន់តែកៀកថ្ងៃមែនទែនហើយ ខណៈអ្នកគាំទ្រខ្លះទាយយក ធន់ ផានិត ខ្លះទាយថា ពេជ្រ សម្បត្តិ ជាអ្នកឡើងទៅវគ្គផ្ដាច់ព្រ័ត្រ។
ការប៉ះគ្នារវាង ធន់ ផានិត និង ពេជ្រ សម្បត្តិ នេះគឺមានការចាប់អារម្មណ៍ខ្លាំងពីសំណាក់អ្នកគាំទ្រគុនខ្មែរ និងបានទម្លាក់ការទស្សន៍ទាយជាបណ្ដើរៗផងដែរមុនការប្រកួតមកដល់ថ្ងៃអាទិត្យ ទី២ តុលា ឆ្នាំ ២០២២។
ចំពោះសមត្ថភាពរវាងអ្នកទាំងពីរខាងលើជឿជាក់ថាអ្នកគាំទ្រដឹងច្បាស់ហើយ ស្នៀតប្រយុទ្ធ កម្លាំងស៊ុហ្វ និងបច្ចេកទេស។ អាចនិយាយបានថាល្អដូចគ្នា ក្មេងពេញកម្លាំងដូចគ្នា មានចំណុចពិសេសរៀងៗខ្លួនដូចគ្នា ដូច្នេះគូនេះពិបាកក្នុងការទាយលទ្ធផលទុកមុនណាស់ មានតែរង់ចាំមើលការប្រកួតមកដល់ប៉ុណ្ណោះ។
វគ្គពាក់កណ្ដាលផ្ដាច់ព្រ័ត្រខ្សែក្រវាត់ខារ៉ាបាវ របស់សង្វៀនបាយ័ន នេះនឹងធ្វើឡើងនៅល្ងាចថ្ងៃអាទិត្យ ទី២ ខែតុលា ឆ្នាំ២០២២។ ធន់ ផានិត ប៉ះ ពេជ្រ សម្បត្តិ (ខ្មែរប៉ះខ្មែរ) ទួន ប៉េ ប៉ះ ផាត់ថាណា (ថៃប៉ះថៃ)៕
