- 2022-05-23 02:20:26
- បាល់ទះ
ផ្លែសេវា សឿន ហេង ល្អខ្លាំងនៅស៊ីហ្គេមតែប្រិយមិត្តដឹងទេគេប្រឹងលេងទាំងឈឺដៃ
- 2022-05-23 02:20:26
- ចំនួនមតិ 0 | ចំនួនចែករំលែក 0
ផ្លែសេវា សឿន ហេង ល្អខ្លាំងនៅស៊ីហ្គេមតែប្រិយមិត្តដឹងទេគេប្រឹងលេងទាំងឈឺដៃ
ចន្លោះមិនឃើញ
សឿន ហេង ឬកីឡាករលេខ១០របស់វិសាខា និងជម្រើសជាតិកម្ពុជា បានបង្ហាញការវាយសេវាល្អ ព្រមជាមួយការផ្ដាច់យ៉ាងមានទំនុកចិត្ត តែយ៉ាងណាកីឡាកររូបនេះប្រឹងលេងទាំងឈឺស្មា គ្រាន់តែការឈឺនេះមិនឈឺខ្លាំងប៉ុណ្ណោះ។
ក្រុមបាល់ទះលើក្ដារកម្ពុជាយកបានមេដាយសំរឹទ្ធក្រោយយកឈ្នះក្រុមខ្លាំងក្នុងតំបន់អាស៊ានថៃ ៣-២ ក្នុងព្រឹត្តិការណ៍កីឡាស៊ីហ្គេមនៅ វៀតណម ។ ក្រោយការបង្ហាញខ្លួនយ៉ាងល្អក្នុងការលេងឆ្នាំនេះកីឡាករមកពីខេត្តព្រៃវែង សឿន ហេង បានឲ្យដឹងថា របួសស្មានោះគេនៅឈឺតិចៗនៅឡើយ ហើយការលេងលើកនេះគេប្រឹងលេងបើទោះនៅឈឺក៏ដោយ។ យ៉ាងណាបើធៀបសមត្ថភាពរបស់គេនាពេលនេះអាចថា ល្អគ្រាន់បើជាងអំឡុងរបួសឈឺខ្លាំង និងអាចនិយាយបានថា ល្អដូចពីមុនវិញ ប៉ុន្តែបើនិយាយពីការវាយសេវាវិញ រូបគេគិតថា អាចល្អជាងពីមុនខ្លាំងព្រោះថាពេលនេះវ៉ៃបានធ្ងន់ និងច្បាស់គ្រាន់បើ។
កីឡាករវ័យ២៣ឆ្នាំរូបនេះបាននិយាយថា «អូហ៍ស្មាខ្ញុំនៅតែឈឺចឹង! គ្រាន់តែឈឺតិចៗតែអាចលេងបាន។ បើនិយាយពីសមត្ថភាពពេលនេះអាចថាល្អដូចមុនពេលមានរបួស តែបើសេវាវិញខ្ញុំគិតថា ហាក់ល្អជាងមុនបង ព្រោះអីយើងវ៉ៃបានធ្ងន់ជាងមុនបន្តិច»។
ក្រុមបាល់ទះកម្ពុជា នឹងមកដល់ទឹកដីកំណើតនាម៉ោង២រសៀលនេះ នៅអាកាសយានដ្ឋានអន្តរជាតិភ្នំពេញ ក្រោយបំពេញភារកិច្ចបានជោគជ័យជាប្រវត្តិសាស្ត្រ៕
