- 2022-05-03 03:17:00
- ប្រដាល់
លោក ឈុត សេរី៖ ខ្ញុំមានមោទកភាពចំពោះការខំប្រឹងរបស់ វណ្ណថង
- 2022-05-03 03:17:00
- ចំនួនមតិ 0 | ចំនួនចែករំលែក 0
លោក ឈុត សេរី៖ ខ្ញុំមានមោទកភាពចំពោះការខំប្រឹងរបស់ វណ្ណថង
ចន្លោះមិនឃើញ
លោក ឈុត សេរី ឪពុករបស់ វណ្ណថង ថាលោកពិតជាមានមោទកភាពចំពោះការខំប្រឹងរបស់កូនតាំងពីដើមរហូតមកដល់ពេលនេះ ជាពិសេសបានចេញទៅប្រកួតស៊ីហ្គេមនៅវៀតណាមតំណាងជាតិ។
លោក ឈុត សេរី បានឲ្យដឹងថា ក្នុងអារម្មណ៍របស់លោកក៏ដូចជាក្រុមគ្រួសារគឺសប្បាយរីករាយខ្លាំងណាស់ចំពោះការខំប្រឹងប្រែងហ្វឹកហាត់តស៊ូតាំងពីដើមរហូតមករបស់ ឈិត សេរីវណ្ណថង។ ការចេញទៅស៊ីហ្គេម ប្រកួតតំណាងជាតិនេះគឺលោកសប្បាយ និងមានមោទកភាពចំពោះកូនប្រុសណាស់។
អតីតអ្នកប្រដាល់ជំនាន់មុនខាងលើនេះបន្ថែមទៀតថា អ្វីដែលលោកបានខំប្រឹងបង្ហាត់បង្រៀនកូនកន្លងមកគឺរូបគេធ្វើបានល្អ និងព្យាយាមជានិច្ច។ បើទោះជាការចេញទៅប្រកួតស៊ីហ្គេម លើកទី១នេះមានលទ្ធផលយ៉ាងណាក៏លោកសប្បាយចិត្ត និងបន្តប្រាប់កូនឲ្យខំប្រឹងតទៅទៀតជាពិសេសស្វែងរកជ័យជម្នះជូនជាតិមាតុភូមិ។
រំលឹកដែរថា ឈិត សេរីវណ្ណថង ជាកីឡាករកំពុងល្បីឈ្មោះម្នាក់នៅកម្ពុជា និងជាម្ចាស់ពានរង្វាន់ជាច្រើនគ្រឿង។ រូបគេក៏ជាជម្រើសជាតិប្រភេទកីឡា Kick Boxing ម្នាក់ដែរដែលនឹងវ៉ៃប្រទេសទម្ងន់ ៦០គីឡូក្រាមក្នុងព្រឹត្តិការណ៍ស៊ីហ្គេម លើកទី៣១ នៅវៀតណាម៕
