- 2022-05-02 13:41:22
- បាល់ទាត់
Barca មិនទាន់បានទាក់ទងចរចានឹង Lewandowski នៅឡើយទេ
- 2022-05-02 13:41:22
- ចំនួនមតិ 0 | ចំនួនចែករំលែក 0
Barca មិនទាន់បានទាក់ទងចរចានឹង Lewandowski នៅឡើយទេ
ចន្លោះមិនឃើញ
លោក Mateu Alemany នាយកផ្នែកបាល់ទាត់របស់ក្លឹប Barcelona បាននិយាយនៅក្នុងថ្ងៃនេះថា ក្លឹបលោកមិនទាន់បានទាក់ទងចរចាជាមួយខ្សែប្រយុទ្ធ Robert Lewandowski នៅឡើយទេ។
មួយរយៈចុងក្រោយ សារព័ត៌មានជាច្រើនបានចុះផ្សាយថា ខ្សែប្រយុទ្ធរូបនេះអាចផ្លាស់មកកាន់ Barca ក្រោយចរចាកុងត្រាថ្មីនឹង Bayern Munich ហាក់មិនត្រូវរ៉ូវគ្នា ខណៈកីឡាករនេះនៅសល់កុងត្រា១ឆ្នាំទៀតជាមួយក្លឹបនេះរហូតដល់ថ្ងៃទី៣០ ខែមិថុនា ឆ្នាំ២០២៣។
កាលពីពេលថ្មីៗ លោក Joan Laporta ប្រធានក្លឹប Barca ក៏ធ្លាប់បានឆ្លើយនឹងអ្នកគាំទ្រពាក់ព័ន្ធរឿងនេះដោយថា Lewandowski អាចនឹងមានឱកាសច្រើនមកកាន់ក្លឹបលោក។
យ៉ាងណា លោក Mateu ខាងលើឆ្លើយតបនឹងរឿងទាំងនេះថា ក្លឹបលោកមិនទាន់ដែលទាក់ទងភ្នាក់ងារ Lewandowski ពិភាក្សារឿងនាំមក Barca នៅឡើយទេ។ លោកក៏ពីមិនចូលចិត្តនិយាយពីដំណើរការចរចាទាំងនេះជាសាធារណៈផងដែរ ហើយក្លឹបលោកក៏មិនចូលចិត្តនិយាយពីកីឡាករណាដែលនៅជាប់កុងត្រាផងដែរ។
គួរបញ្ជាក់ផងដែរថា នៅក្នុងរដូវកាលនេះ Lewandowski បានចូលលេងឲ្យ Bayern បាន៤២ប្រកួត និងស៊ុតចូលបានរហូតទៅដល់ ៤៧គ្រាប់ឯណោះ៕