Wladimir Klitschko សុំអាវុធធុនធ្ងន់ពីអាមេរិក ខណៈអ៊ុយក្រែនបាញ់មីស៊ីលដាក់រុស្ស៊ីវិញ

2022-04-25 08:11:16
ប្រដាល់

2022-04-25 08:11:16
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកប្រដាល់ទម្ងន់ធ្ងន់ Wladimir Klitschko បានប្រកាសក្ដែងៗថាចង់បានអាវុធទំនើបៗ និងធុនធ្ងន់ពីអាមេរិក ដើម្បីមកច្បាំងជាមួយរុស្ស៊ីបន្ដទៀត ក្រោយរយៈពេល២ខែនេះសង្ក្រាមមិនទាន់ដឹងឈ្នះចាញ់។

ការប្រយុទ្ធគ្នារវាងអ៊ុយក្រែន និងរុស្ស៊ីនៅតែបន្ដមិនឈប់នោះទេ ខណៈដែលរុស្ស៊ីបានប្រកាសប្រើប្រាស់ផែនការទី២ដើម្បីវាយអ៊ុយក្រែនហើយ។ ក្រោយពីមិនអាចវាយយកក្រុងគៀវបាន រុស្ស៊ីបានដកទ័ពពីការព័ទ្ធក្រុងនេះ ទៅវាយដណ្ដើមគ្នាដែលជាសង្គ្រាមនៅតំបន់ Donbas វិញ។ ការប្រយុទ្ធគ្នានៅតំបន់នេះ ត្រូវបានគេមើលឃើញថាជាសង្គ្រាមពិតប្រាកដ ព្រោះប្រើប្រាស់ទាំងយន្ដហោះចម្បាំង កាំភ្លើងធំ និងរថគ្រោះបាញ់គ្នាមិនឈប់នោះទេ។

ក្នុងឱកាសនោះដែរ នៅព្រឹកថ្ងៃ២៥ខែមេសាឆ្នាំ២០២២នេះ អ៊ុយក្រែនក៏បានបើកការវាយប្រហារដោយមីស៊ីលទៅលើកន្លែងស្ដុកប្រេង២កន្លែងរបស់រុស្ស៊ីនៅក្រុង Bryansk ផងដែរ។ ដោយការវាយប្រហារនេះចំគោលដៅល្អណាស់ ធ្វើឱ្យខ្ទេចកន្លែងស្ដុកប្រេងនេះ និងបង្កជាអណ្ដាតភ្លើងទៅលើខ្ពស់ខ្លាំងមែនទែន។ រុស្ស៊ី មិនទាន់បញ្ជាក់ពីការខូចខាតនោះទេ ប៉ុន្តែច្បាស់ណាស់នឹងបាញ់មីស៊ីលដាក់អ៊ុយក្រែនជាការសងសឹកវិញមិនខាន។

ដោយសារតែការវាយប្រហារតាមតំបន់អាកាសមានប្រសិទ្ធភាពល្អនេះហើយ ទើបបានជាអតីតកីឡាករWladimir Klitschko ដែលជាបុគ្គលល្បីឈ្មោះនិងកំពុងឈរជើងនៅការពារក្រុងគៀវចេញមុខមកស្នើសុំអាមេរិកផ្ទាល់តែម្ដង។ លោកអះអាងថាប្រសិនបើអាមេរិកនិង NATO មិនអាចបិទតំបន់ហោះហើរបានទេ នោះអ៊ុយក្រែននឹងបិទវាដោយខ្លួនឯង។ តែការបិទនោះដែរ លោកសុំឱ្យអាមេរិក បញ្ជូនអាវុធទំនើបៗមកទៀត ដោយមានទាំងប្រព័ន្ធការពារដែនអាកាស មីស៊ីលបាញ់ស្ទាក់យន្ដហោះចម្បាំង និងអាវុធផ្សេងៗទៀតដែលអាចនឹងតតាំងជាមួយរុស្ស៊ីដែលជាមហាអំណាចយោធាលេខ២លើលោកបាន។

លោក Wladimir Klitschko បានអះអាងបន្ថែមទៀតថា៖ “យើងអាចការពារប្រទេសរបស់យើងបានអំឡុងពេលសង្គ្រាមនេះជាមួយអាវុធក្នុងដៃ។ វាគ្មានវិធីសាស្ដ្រផ្សេងទេ។ ខ្ញុំគិតថាយើងមិនត្រូវការទ័ពជំនួយឡើយ។ យើងត្រូវការអាវុធដើម្បីការពារខ្លួនយើងប៉ុណ្ណោះ”៕

ប្រភព៖ Businessinsider អត្ថបទ៖ នរវិទូ