- 2022-04-07 07:33:13
- ប្រដាល់
ឲ្យលុយប៉ុន្មានក៏មិនវាយ Lomachenko រក្សាជំហរនៅអ៊ុយក្រែនរហូតដល់សង្គ្រាមរលត់
- 2022-04-07 07:33:13
- ចំនួនមតិ 0 | ចំនួនចែករំលែក 0
ឲ្យលុយប៉ុន្មានក៏មិនវាយ Lomachenko រក្សាជំហរនៅអ៊ុយក្រែនរហូតដល់សង្គ្រាមរលត់
ចន្លោះមិនឃើញ
កំពូលអ្នកប្រដាល់ Vasiliy Lomachenko បានសម្រេចចិត្តមិនទទួលការប្រកួតណាទាំងអស់ ដោយបន្តនៅប្រទេសអ៊ុយក្រែនរហូតដល់សង្គ្រាមរលត់។
Lomachenko បានចូលរួមប្រយុទ្ធក្នុងភ្លើងសង្គ្រាមក្នុងប្រទេសរបស់ខ្លួនតាំងតែពីខែកុម្ភៈ បន្ទាប់ពីរុស្សីចូលលុកលុយ។ តាមគម្រោងមានការរៀបចំឲ្យ Lomachenko ប្រកួតដណ្ដើមខ្សែក្រវាត់ជាមួយ George Kambosos Jr. ប៉ុន្តែពេលនេះគេបានរក្សាជំហររបស់ខ្លួនបន្តស្នាក់នៅប្រទេសអ៊ុយក្រែន។
លោក Egis Klimas ដែលជាអ្នកចាត់ការរបស់ Lomachenko បានប្រាប់ TMZ Sports ក្នុងទីក្រុង Los Angeles កាលពីថ្ងៃពុធថា កីឡាកររបស់ខ្លួនបានសម្រេចចិត្តបន្តនៅអ៊ុយក្រែនរហូតដល់សង្គ្រាមចប់។ លោកក៏បានបញ្ជាក់ផងដែរថា Lomachenko ពេលនេះសុវត្ថិភាពទេ ខណៈសង្គ្រាមកំពុងបន្ត។
“គេ (Lomachenko) កំពុងនៅកន្លែងសុវត្ថិភាពក្នុងប្រទេសអ៊ុយក្រែន។ កន្លែងដែលគេនៅមិនមែនស្ថិតក្នុងតំបន់សង្គ្រាមឡើយ។ គេមិនបាននៅតំបន់សង្គ្រាមឡើយ"។ សម្ដី Klimas។ ប្រកួតចុងក្រោយរបស់ Lomachenko គឺកាលពីខែធ្នូឆ្នាំមុន ដោយបានយកឈ្នះពិន្ទុលោកកីឡាករ Richard Commey។ គេត្រូវបានរៀបចំឲ្យវាយជាមួយ Kambosos ក្នុងខែមិថុនាខាងមុន ប៉ុន្តែដោយសារសង្គ្រាមនៅអ៊ុយក្រែនទើប Loma បង្ខំចិត្តដកខ្លួន៕
