- 2022-03-22 04:23:22
- ប្រដាល់
បោះពាក្យណាស់! Jake Paul ថា ហាត់តែ៦ខែទេអាចស៊ី McGregor ផុយ
- 2022-03-22 04:23:22
- ចំនួនមតិ 0 | ចំនួនចែករំលែក 0
បោះពាក្យណាស់! Jake Paul ថា ហាត់តែ៦ខែទេអាចស៊ី McGregor ផុយ
ចន្លោះមិនឃើញ
Jake Paul បានត្រៀមខ្លួនរួចរាល់ដើម្បីហាត់គុនចម្រុះ (MMA) រយៈពេល៦ខែ ប្រសិនបើ Conor McGregor យល់ព្រមប្រកួតជាមួយគេ។
កន្លងទៅ Paul បានបបួលអតីតម្ចាស់ខ្សែក្រវាត់របស់ UCF ២ប្រភេទទម្ងន់ផ្សេងគ្នា McGregor ប្រកួតប្រដាល់ក៏បាន MMA ក៏បាន។ ហើយចុងក្រោយនេះ Paul បានសម្រេចចង់វាយគុនចម្រុះនិងព្រមានវាយឲ្យជើងខ្លាំងអៀរឡង់ចូលនិវត្តន៍តែម្ដង ។
ក្នុងកិច្ចសម្ភាសន៍មួយ Paul ដែលជាតារា Youtube បាននិយាយថា គេគ្មានបារម្ភអ្វីទេ។ McGregor ប្រលូកក្នុងវិស័យគុនចម្រុះ១៥ឆ្នាំហើយ។ គេកំពុងតែរះ ហើយ Conor កំពុងតែលិច។ គេនឹងចំណាយពេលហាត់ត្រឹម៦ខែជាមួយគ្រូគុនចម្រុះពូកែៗក្នុងលោកប៉ុណ្ណោះ ដើម្បីយកឈ្នះ។
Jake Paul វ័យ២៥ឆ្នាំធ្លាប់មានប្រវត្តិប្រកួតប្រដាល់៥ដងមិនដែលចាញ់ និងផ្ដួលដៃគូបោះបង់ការប្រកួត៤ដង។ ប៉ុន្តែសម្រាប់ការប្រកួត MMA គេមិនដែលប្រកួតម្ដងណាឡើយ។ សម្រាប់ McGregor ជាកីឡាករអាជីព MMA ធ្លាប់ប្រកួត២៨ដង និងជាអតីតម្ចាស់ខ្សែក្រវាត់ UFC ក្នុងប្រភេទទម្ងន់ Featherweight និង Lightweight៕
