- 2022-02-16 04:41:09
- ប្រដាល់
ប្រធានក្លឹបប្រដាល់អភិរក្សគុនខ្មែរប្ដេជ្ញាចិត្តបណ្ដុះក្មេងៗជាការតបស្នងដល់ Sponsor
- 2022-02-16 04:41:09
- ចំនួនមតិ 0 | ចំនួនចែករំលែក 0
ប្រធានក្លឹបប្រដាល់អភិរក្សគុនខ្មែរប្ដេជ្ញាចិត្តបណ្ដុះក្មេងៗជាការតបស្នងដល់ Sponsor
ចន្លោះមិនឃើញ
លោក សួង បញ្ញា ប្រធានក្លឹបប្រដាល់អភិរក្សគុនខ្មែរ បានប្ដេជ្ញាចិត្តថា នឹងប្រឹងប្រែងបណ្ដុះក្មេងៗឲ្យអស់ពីដៃពីជើង ដើម្បីជួយជ្រោមជ្រែងដល់វិស័យប្រដាល់គុនខ្មែរកម្ពុជាឲ្យមានការរីកចម្រើន ដើម្បីជាការតបស្នងដល់ Sponsor ។
គ្រូបង្វឹកក្លឹបប្រដាល់ខាងលើបានឲ្យដឹងថា ម្ចាស់ឧបត្ថម្ភគឺក្រុមហ៊ុនឯកជនមួយ ដែលបានជួយឧបត្ថម្ភថវិកាចំនួន១ពាន់ដុល្លារក្នុងការសាងសង់កន្លែងសម្រាប់កីឡាករសម្រាក ដើម្បីកុំឲ្យត្រូវភ្លៀង និងថវិកាប្រចាំខែប្រមាណ២៥០ដុល្លារផងដែរ។ ដើម្បីជាការតបស្នងថ្នាក់ដឹកនាំរបស់ក្លឹបសន្យាថា នឹងពង្រឹងសមត្ថភាពរបស់កូនសិស្សខ្លួន ដើម្បីអាចឡើងប្រកួតឲ្យបានច្រើនប៉ុស្តិ៍ទូរទស្សន៍។
ប្រភពដដែលក៏បានបង្ហាញការសប្បាយចិត្តជាខ្លាំងក្នុងការជួយឧបត្ថម្ភរបស់ក្រុមហ៊ុនមួយនេះ។ លោកប្ដេជ្ញាចិត្តថា នឹងបណ្ដុះកីឡាករតូចៗឲ្យបានច្រើន ផ្ដល់ឱកាសឲ្យក្មេងៗបានចូលរួមប្រកួតប្រជែង។ លោករំពឹងថា ការគាំទ្រខាងលើនឹងជួយឲ្យកីឡាករក្នុងក្លឹបមានស្មារតីប្រឹងប្រែងហ្វឹកហាត់បន្ថែមទៀងដែរ៕
