- 2022-01-21 03:19:17
- ប្រដាល់
TVK Fighter ៖ ឡៅ សៃណេត និយាយទាំងច្បាស់ក្នុងចិត្តថា ខ្លួនមិនអាចទទួលយកបានសម្រាប់លទ្ធផលម្សិលមិញ
- 2022-01-21 03:19:17
- ចំនួនមតិ 0 | ចំនួនចែករំលែក 0
TVK Fighter ៖ ឡៅ សៃណេត និយាយទាំងច្បាស់ក្នុងចិត្តថា ខ្លួនមិនអាចទទួលយកបានសម្រាប់លទ្ធផលម្សិលមិញ
ចន្លោះមិនឃើញ
ក្មួយប្រុសរបស់ ឡៅ ស៊ីណាត គឺកីឡាករ ឡៅ សៃណេត បានសម្ដែងការមិនពេញចិត្តចំពោះការសម្រេចចិត្តឲ្យចាញ់របស់ចៅក្រមកាត់ក្ដីក្នុងប្រកួតរវាងរូបគេទល់កីឡាករ ឡុង ពិសិដ្ឋ នៅសង្វៀន TVK Fighter កាលពីម្សិលមិញនេះ។
កីឡាករខាងលើបានឲ្យដឹងថា «លទ្ធផលនេះខ្ញុំទទួលយកអត់បានទេបង។ ខ្ញុំវ៉ៃល្អទឹក១អីខ្ញុំចេញម៉ាត់ពេញៗ ដល់ទឹក២ទឹក៣ ចេញទៅមក។ និយាយទៅទឹកក្រោយៗមានទៅមានមក ដល់ពេលលទ្ធផលឲ្យខ្ញុំចាញ់ចឹងដូចមិនសមសោះ។ ខ្ញុំគិតថាខ្ញុំវ៉ៃចេញច្រើនហើយត្រូវល្អៗទៀត និយាយទៅខ្ញុំមើលឃើញថា បើមិនឈ្នះក៏បានត្រឹមស្មើអីដែរ»។
ទាក់ទងប្រកួតនេះដែរ ឡៅ សៃណេត បន្ថែមថា ចាញ់ទាំងមិនអស់ចិត្តតែម្ដង។ បើសិនមានឱកាសគេចង់ប៉ះគ្នាទៀត ព្រោះមិនសមសោះ។ ចំណែក ឡុង ពិសិដ្ឋ វិញបានឲ្យដឹងដែរថា គេមិនដែលខ្លាច ការចប់ជួបរបស់ ឡៅ សៃណេត ទេ បើទោះលើកនេះ សៃណេត ចេញច្រើន ហើយធ្វើបានល្អជាងពីរលើកកន្លងមកក៏ដោយ។ យ៉ាងណា ពិសិដ្ឋ រីករាយចាំជួប សៃណេត ជានិច្ចបើសើមានឱកាសនោះ។
រំលឹកថា គូនេះធ្លាប់ប៉ះគ្នា៣លើកទាំងលើកនេះហើយ ហើយលទ្ធផលគឺ ឡុង ពិសិដ្ឋ ឈ្នះទាំង៣លើក៕
