- 2021-12-27 09:09:50
- ប្រដាល់
មឿន សុខហ៊ុច ឈ្នះមេដាយមាសកម្មវិធីជើងឯកថ្នាក់ជាតិប្រដាល់សកល ២០២១
- 2021-12-27 09:09:50
- ចំនួនមតិ 0 | ចំនួនចែករំលែក 0
មឿន សុខហ៊ុច ឈ្នះមេដាយមាសកម្មវិធីជើងឯកថ្នាក់ជាតិប្រដាល់សកល ២០២១
ចន្លោះមិនឃើញ
កីឡាករ មឿន សុខហ៊ុច ដែលប្រិយមិត្តធ្លាប់ឃើញតែប្រកួតសេរី ឬគុនខ្មែរនោះ កាលពីថ្ងៃទី២៥ ខែធ្នូ ២០២១ កន្លងទៅនេះយកឈ្នះ ឈឿង ល្វៃ ទឹកទី១ ខាងផ្នែកសកលទទួលបានមេដាយមាស។
សុខហ៊ុច វ៉ៃសកលលើប្រភេទទម្ងន់ ៧១គីឡូក្រាម និងបានប្រកួតតំណាងក្រសួងសេដ្ឋកិច្ច និងហិរញ្ញវត្ថុ។ ចំពោះវគ្គផ្ដាច់ព្រ័ត្រចុងក្រោយរបស់គេគឺឈ្នះជើងខ្លាំង ឈឿង ល្វៃ ក្នុងទឹកទី១ ដោយសារដៃគូខូចដៃមិនអាចបន្តការប្រកួតបាន។
លោក ប៊ុយ សុភ័ណ្ឌ អគ្គលេខាធិការសហព័ន្ធប្រដាល់សកលបានឲ្យដឹងថា ការប្រកួតជើងឯកថ្នាក់ជាតិឆ្នាំនេះគឺមានការចូលរួមច្រើនពីសំណាក់កីឡាករ កីឡាការិនីដែលមានរហូតដល់ ៩០នាក់ឯណោះ។ ចំពោះបច្ចេកទេសនៃការប្រកួតក៏ល្អ និងរីកចម្រើនជាងឆ្នាំមុន កីឡាករមិនសូវមានសន្លប់ច្រើនដូចមុនទេ។ ខណៈការប្រកួតលើកនេះមានអ្នកចូលរួមឧបត្ថម្ភច្រើនមិនធ្លាប់មានផងដែរ។
រំលឹកដែរថា សហព័ន្ធប្រដាល់សកល បានធ្វើការប្រកួតជ្រើសរើសជើងឯកថ្នាក់ជាតិរបស់ខ្លួនកាលពីថ្ងៃទី២៣-២៥ ខែធ្នូ ឆ្នាំ២០២១ នៅក្លឹបនាយកដ្ឋានអង្គរក្ស។ ចំពោះប្រភេទទម្ងន់ ៧១គីឡូក្រាមនេះវិញគឺ មឿន សុខហ៊ុន ឈ្នះមេដាយមាស ឈឿង ល្វៃ ឈ្នះមេដាយប្រាក់ វុទ្ធី ពីសី និង សុខ ជាតិ ឈ្នះមេដាយសំរឹទ្ធ៕
