- 2021-12-08 09:32:26
- ប្រដាល់
ខាំ ខ្លានាង៖ ខ្លួនបានមើលវីដេអូស្ទើរគ្រប់ប្រកួតរបស់ ពេជ្រ ប៊ុនសិទ្ធ
- 2021-12-08 09:32:26
- ចំនួនមតិ 0 | ចំនួនចែករំលែក 0
ខាំ ខ្លានាង៖ ខ្លួនបានមើលវីដេអូស្ទើរគ្រប់ប្រកួតរបស់ ពេជ្រ ប៊ុនសិទ្ធ
ចន្លោះមិនឃើញ
កីឡាករល្អក្បាច់ ខាំ ខ្លានាង ថាបានត្រៀមខ្លួនរួចហើយ និងបានមើលពីការប្រកួតច្រើនដែររបស់អ្នកប្រដាល់កំពុងឡើងកូដ ពេជ្រ ប៊ុនសិទ្ធ ដើម្បីត្រៀមប៉ះគ្នាអាទិត្យនេះ។
ថ្លែងក្នុងកិច្ចសម្ភាសមួយ ខាំ ខ្លានាង សរសើរជំនួស ពេជ្រ ប៊ុនសិទ្ធ ថាជាកីឡាករល្អ និងកំពុងឡើងកូដ ដែលឈ្នះស្ទើរគ្រប់ការប្រកួតទៅហើយមួយរយៈចុងក្រោយនេះ។ ចំពោះក្បាច់ស្នៀតវិញ ខ្លានាង មើលឃើញថា ប៊ុនសិទ្ធ ល្អកណ្ដាប់ដៃ និងដើរបុក។
ជម្រើសជាតិ Kick Boxing រូបនេះបន្ថែមទៀតថា ខ្លួនក៏បានហាត់ត្រៀមបានល្អដែរសម្រាប់ការប្រកួតជាមួយជើងខ្លាំង ប៊ុនសិទ្ធ លើកនេះ។ ចំពោះកីឡាករថយ និងដើរបុករូបគេចូលចិត្តអ្នកដើរបុក ខណៈពេលនេះក៏មើលឃើញពីចំណុចខ្សោយមួយចំនួនពីដៃគូផងដែរ។
ខ្លានាង ថាបច្ចុប្បន្ននេះទម្ងន់របស់គេគឺត្រឹម ៥៣.៧ ប៉ុណ្ណោះ ដូច្នេះមានតែខំហូបបន្ថែម។ ការប៉ះអ្នកធំជាងបែបនេះក៏អាចចាញ់កម្លាំងគេខ្លះដែរ យ៉ាងណាខ្លួននឹងខំប្រឹងធ្វើឲ្យបានល្អ។ ខាំ ខ្លានាង នឹងត្រូវប៉ះ ពេជ្រ ប៊ុនសិទ្ធ លើកម្មវិធី One Strike ថ្ងៃអាទិត្យ ទី១២ ខែធ្នូ ២០២១ នៅសង្វៀន PNN លើប្រភេទទម្ងន់ ៥៤គីឡូក្រាម៕
