- 2021-11-30 09:16:10
- ប្រដាល់
អីយ៉ា! សាន សៅយ៉ាន់ ចង់ឲ្យ សុខ រិទ្ធ ប៉ះ ប៊ុនសិទ្ធ ម្ដងទៀតតែវ៉ៃ៥៤គត់ថ្លឹងព្រឹកវ៉ៃល្ងាច
- 2021-11-30 09:16:10
- ចំនួនមតិ 0 | ចំនួនចែករំលែក 0
អីយ៉ា! សាន សៅយ៉ាន់ ចង់ឲ្យ សុខ រិទ្ធ ប៉ះ ប៊ុនសិទ្ធ ម្ដងទៀតតែវ៉ៃ៥៤គត់ថ្លឹងព្រឹកវ៉ៃល្ងាច
ចន្លោះមិនឃើញ
អតីតអ្នកប្រដាល់គុនខ្មែរ លោក សាន សៅយ៉ាន់ ប្រកាសថាចង់ឲ្យ សុខ រិទ្ធ ប៉ះ ពេជ្រ ប៊ុនសិទ្ធ ម្ដងទៀតលក្ខណៈគុនខ្មែរ ទម្ងន់៥៤ វ៉ៃ៥ទឹក ថ្លឹងព្រឹកវ៉ៃល្ងាចនៅកម្មវិធីគូបូតា ឯសង្វៀនបាយ័នតែម្ដង។
លោក សាន សៅយ៉ាន់ បានឲ្យដឹងថា ដូចទៅនិងការបកស្រាយរួចហើយការប្រកួតរបស់ សុខ រិទ្ធ ប៉ះ ពេជ្រ ប៊ុនសិទ្ធ នៅសង្វៀន TOWN គឺជំនួសគេនោះទេ ខណៈកូនសិស្សរបស់លោកមិនបានហាត់ពេញ។ មួយវិញទៀត សុខ រិទ្ធ វ៉ៃគីឡូតូចតាំងពីដើមគឺ៥១-៥២ប៉ុណ្ណោះឯង ដល់ទៅប៉ះជាមួយ ប៊ុនសិទ្ធ គឺធំហើយសម្រក់ចុះមក៥៤វិញទៀត។ ការប្រកួតទៀតសោតលក្ខណៈ Mas Fight ១ទឹក៩នាទី និងរុំអំបោះឆៅវារឹតតែអំណោយផលដល់ ប៊ុនសិទ្ធ ហេតុនេះការទប់ដល់ចប់នេះវាល្អទៅហើយ។
គ្រូប្រដាល់មកពីបន្ទាយមានជ័យបន្ថែមទៀតថា ឥលូវនេះលោកចង់ឲ្យ សុខ រិទ្ធ ប៉ះ ប៊ុនសិទ្ធ ម្ដងទៀត ប៉ុន្តែជាការចាប់គូឲ្យជួបលក្ខណៈគុនខ្មែរ ទម្ងន់៥៤គីឡូក្រាមគត់ វ៉ៃ៥ទឹក ដោយថ្លឹងព្រឹកវ៉ៃថ្ងៃ ឬល្ងាច បើអាចនៅគូបូតាតែម្ដងទៅ។
រំលឹកដែរថា កីឡាករ សុខ រិទ្ធ គឺស្មើពិន្ទុអ្នកប្រដាល់ ពេជ្រ ប៊ុនសិទ្ធ ក្នុងកម្មវិធីប្រដាល់ Mas Fight ១ទឹក៩នាទីកាលពីថ្ងៃអាទិត្យ ទី២៨ ខែវិច្ឆិកា ឆ្នាំ២០២១។ គូនេះដែរក៏មានការលើកឡើងច្រើនអំពីការថយពេករបស់ សុខ រិទ្ធ អំឡុងប្រកួតនោះ៕
