- 2021-11-17 04:19:16
- បាល់ទាត់
នោះ! Real Madrid លេងក្បាច់ពិសេសដើម្បីអាចបាន Mbappe ដោយ Free
- 2021-11-17 04:19:16
- ចំនួនមតិ 0 | ចំនួនចែករំលែក 0
នោះ! Real Madrid លេងក្បាច់ពិសេសដើម្បីអាចបាន Mbappe ដោយ Free
ចន្លោះមិនឃើញ
ខ្សែប្រយុទ្ធរបស់ក្រុមអ្នកមាន Paris St-Germain កីឡាករ Kylian Mbappe បានយល់ព្រម និងគ្រោងចុះកុងត្រាជាមួយ Real Madrid នៅខែមករានេះហើយ (pre-contract) ប៉ុន្តែកុងត្រាផ្លូវការក្រុមស្ដេចស នឹងធ្វើការប្រកាសនៅខែកក្កដា ឆ្នាំ២០២២។
កុងត្រារបស់ Kylian Mbappe នឹងផុតជាមួយ PSG នៅខែកក្កដា ឆ្នាំ២០២២ ជាពេលដែលក្រុម Real Madrid គ្រោងប្រកាសជាផ្លូវការពីការយកបានខ្សែប្រយុទ្ធជម្រើសជាតិបារាំងនេះដូចគ្នា។ យ៉ាងណាយុវជនវ័យ២២ឆ្នាំរូបនេះបានចាប់អារម្មណ៍ ចង់ទៅកាន់ Real Madrid យ៉ាងខ្លាំងតាំងពីខ្លួននៅក្មេង ហើយក៏នៅតែបន្តរហូតដល់បច្ចុប្បន្ន។ និយាយពី Real គឺពួកគេកំពុងព្យាយាមពន្យារពេលចុះកុងត្រាយក Mbappe ដោយរង់ចាំឲ្យកុងត្រាផុតដើម្បីអាចយកបានដោយ Free ។
សម្រាប់ក្រុមរបស់អេស្ប៉ាញបានព្យាយាមតាមលួងលោមឲ្យ PSG ព្រមលក់ខ្សែប្រយុទ្ធខាងលើជាច្រើនលើកច្រើនសារមកហើយ ដោយហ៊ានផ្ដល់តម្លៃរហូតដល់២០០លានអឺរ៉ូ ប៉ុន្តែត្រូវបានក្រុមអ្នកមានរបស់បារាំងច្រានចោល។ ជាងនេះទៅទៀតក្រុម PSG បានព្យាយាមលួងលោមឲ្យ Mbappe បន្តកុងត្រាថ្មី ប៉ុន្តែខ្សែប្រយុទ្ធរូបនេះមិនព្រម និងចង់ចាកចេញដើម្បីសម្រេចក្ដីស្រមៃរបស់ខ្លួន បានទៅលេងនៅ Real Madrid នៅរដូវក្ដៅខាងមុខនេះ។
ឈានមកដល់ពេលនេះ Real Madrid កាន់តែខិតជិតយកបានកំពូលខ្សែប្រយុទ្ធវ័យក្មេងម្នាក់ដោយគ្មានតម្លៃខ្លួន ដែលវាជាជំនួយមួយដ៏សែនចំណេញសម្រាប់ពួកគេ៕