- 2021-11-16 02:29:09
- ប្រដាល់
ឡុង សុភី៖ ប្រកួតរយៈពេល១៨ឆ្នាំហើយសល់តែឈ្មោះទេ
- 2021-11-16 02:29:09
- ចំនួនមតិ 0 | ចំនួនចែករំលែក 0
ឡុង សុភី៖ ប្រកួតរយៈពេល១៨ឆ្នាំហើយសល់តែឈ្មោះទេ
ចន្លោះមិនឃើញ
អ្នកប្រដាល់ចាស់វស្សា ឡុង សុភី ថារូបគេប្រឡូកគុនខ្មែរបើគិតទៅប្រហែល ១៨ឆ្នាំមកហើយ ប៉ុន្តែបើនិយាយពីរឿងសល់លុយវិញគ្មានទេសល់តែឈ្មោះប៉ុណ្ណោះ។
នេះបើតាមការបង្ហោះលើហ្វេសបុក ឡុង សុភី លើកឡើងថា គិតដល់ពេលនេះមានរយៈពេលប្រហែល ១៨ឆ្នាំមកហើយនៃការចូលប្រឡូកក្នុងវិស័យប្រដាល់គុនខ្មែរ។ បើសួរថាចង់ប្រកួតទៀតទេ គឺលែងចង់ហើយប៉ុន្តែនៅបន្តនេះដោយសារតែចិត្តស្រឡាញ់។
អ្នកប្រដាល់រូបនេះបន្ថែមទៀតថា ប្រឡូកយូរយ៉ាងនេះក្ដី ប៉ុន្តែគ្មានសល់លុយទេ សល់តែគេស្គាល់គ្រប់គ្នា សល់តែការឈឺចាប់។ នេះហើយជីវិតប្រដាល់របស់លោក ប្រសិនបើខ្លួននិយាយអ្វីមិនត្រឹមត្រូវសុំទោសពីសំណាក់ប្រិយមិត្តផង។
រំលឹកដែរថា ឡុង សុភី ជាកីឡាករចាស់វស្សាក្នុងវិស័យប្រដាល់គុនខ្មែរ និងជាអ្នកប្រដាល់មានកេរ្តិ៍ឈ្មោះល្បីពីមុនផងដែរ។ បើគិតពីខ្សែក្រវាត់វិញយ៉ាងហោចណាស់ក៏ក្បែរ១០គ្រឿង។ ឥលូវនេះគេឃើញ សុភី ផ្អាកប្រកួតមួយរយៈហើយ៕
