- 2021-09-08 09:00:50
- ប្រដាល់
ខកខានច្រើនដង! សប្ដាហ៍នេះ ឡៅ ចិត្រា មានឈ្មោះប្រកួតជាថ្មីហើយនៅបាយ័ន
- 2021-09-08 09:00:50
- ចំនួនមតិ 0 | ចំនួនចែករំលែក 0
ខកខានច្រើនដង! សប្ដាហ៍នេះ ឡៅ ចិត្រា មានឈ្មោះប្រកួតជាថ្មីហើយនៅបាយ័ន
ចន្លោះមិនឃើញ
អ្នកប្រដាល់មកពីឆត្រយោង ៩១១ ឡៅ ចិត្រា មានឈ្មោះប្រកួតវិញហើយនៅសប្ដាហ៍នេះលើសង្វៀនបាយ័ន បន្ទាប់ពីរូបគេខកខាន និងមានបញ្ហាចៃដន្យបន្តបន្ទាប់មក។
កីឡាករ ឡៅ ចិត្រា មើលឃើញថាតាំងតែពីផ្ទុះកូវីដខ្លាំង និងបានឆ្លងជំងឺនេះរួចមក រូបគេបានព្យាបាលជាសៈស្បើយហើយក្ដី ប៉ុន្តែមិនទាន់អាចឡើងប្រកួតតាមសង្វៀននានាបានទេ។ ដោយសារតែភាពចៃដន្យក្នុងការហ្វឹកហាត់ធ្វើឲ្យរូបគេខកខានប្រកួតនៅ CNC ខកខានកម្មវិធីធំ Kun Khmer All Star ជាមួយ ផល សោភ័ណ្ឌ ជាដើម។
យ៉ាងណាបើតាមការផ្សព្វផ្សាយតាមផេកផ្សេងៗគឺម្ចាស់ខ្សែក្រវាត់មាស និងមេដាយសំរឹទ្ធ ស៊ីហ្គេមខាងលើនេះ នឹងត្រូវប្រកួតមិត្តភាពខ្មែរ និងខ្មែរជាមួយកីឡាករ ឡុង សំណាង។ តាមការបង្ហោះលើបណ្ដាញសង្គមឃើញថា ចិត្រា កំពុងហ្វឹកហាត់យ៉ាងសកម្មភាពដើម្បីបង្កើនសមត្ថភាពត្រៀមឡើងសង្វៀនថ្ងៃសៅរ៍នេះ។
បញ្ជាក់ដែរថា ឡៅ ចិត្រា នឹងប៉ះកីឡាករ ឡុង សំណាង នៅព្រឹកថ្ងៃសៅរ៍ ទី១១ ខែកញ្ញា ឆ្នាំ២០២១ ក្នុងកម្មវិធី កំពូលអ្នកប្រយុទ្ធថាមពលឆេមពាន នៅសង្វៀនបាយ័ន៕
