អ្នកគាំទ្រផ្ទាល់ជាច្រើននាក់ទទូចឲ្យ Pacquiao ចូលនិវត្តន៍ ក្រោយចាញ់ Ugas

2021-08-23 07:08:38
ប្រដាល់

2021-08-23 07:08:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ Manny Pacquiao ត្រូវបានអ្នកគាំទ្ររបស់ខ្លួនជាច្រើននាក់ទទូចឲ្យចូលនិវត្តន៍ បន្ទាប់ពីគេបានប្រកួតចាញ់ Yordenis Ugas ក្នុងការដណ្ដើមខ្សែក្រវាត WBA កាលពីចុងសប្ដាហ៍។

កីឡាករហ្វីលីពីនបានតស៊ូ១២ទឹកពេញជាមួយម្ចាស់ខ្សែក្រវាត់កីឡាករគុយបានៅឯទីក្រុង Las Vegas។ ប៉ុន្តែជាលទ្ធផល Ugas បានយកឈ្នះតាមរយៈពិន្ទុរបស់ចៅក្រមទាំងបីផ្ដល់ឲ្យគឺ ១១៥-១១៣ ១១៦-១១២ និង១១៦-១១២។

មុនប្រកួត Pacquiao បានបង្ហើបពីការចូលនិវត្តន៍ បន្ទាប់ពីចំណាយពេល២៦ឆ្នាំក្នុងអាជីព។ ប៉ុន្តែក្រោយប្រកួតជាមួយ Ugas ចប់ គេមិនបានបញ្ជាក់ថានឹងត្រូវព្យូរហ្គង់ឬយ៉ាងណាទេ ខណៈអ្នកគាំទ្រមួយចំនួនយល់ថា Pacquiao គួរដល់ពេលសម្រាកហើយ។

គណនីលើបណ្ដាញសង្គម Twitter មួយបានសរសេរថា៖ “ស្រឡាញ់អ្នក Manny។ អរគុណសម្រាប់ការប្រកួតទាំងអស់។ អ្នកជាកីឡាករអមតៈទៅហើយ សូមសម្រាកហើយចូលនិវត្តន៍ទៅ”។ គណនីមួយទៀតបានសរសេរថា៖ “វាងជាពេលវេលាសម្រាប់អ្នកចូលនិវត្តន៍ហើយ។ អរគុណដែលបានផ្ដល់មោទនាភាពដល់ប្រទេសហ្វីលីពីន”។

គិតទល់ពេលនេះ Pacquiao មានវ័យជិត៤៣ឆ្នាំ ហើយការប្រកួតទល់នឹង Ugas គ្រប់គ្នាមើលឃើញថា គេហាក់ធ្លាក់កម្លាំង និងយឺតជាងមុនដោយសារតែវ័យជ្រេនេះឯង៕