- 2021-06-23 09:07:08
- ប្រដាល់
ត្រកូល «អេ» ឡើងខ្លាំងណាស់បច្ចុប្បន្នឈានដល់វគ្គផ្ដាច់ព្រ័ត្រលុយម៉ឺនដុល្លារទាំង២នាក់
- 2021-06-23 09:07:08
- ចំនួនមតិ 0 | ចំនួនចែករំលែក 0
ត្រកូល «អេ» ឡើងខ្លាំងណាស់បច្ចុប្បន្នឈានដល់វគ្គផ្ដាច់ព្រ័ត្រលុយម៉ឺនដុល្លារទាំង២នាក់
ចន្លោះមិនឃើញ
ត្រកូល «អេ» ឬយើងស្គាល់ថាជាកូនប្រុសលោក អេ ភូថង បច្ចុប្បន្នសមត្ថភាព និងកេរ្តិ៍ឈ្មោះល្បីខ្លាំងមែនទែន ខណៈពួកគេទាំង២នាក់ ម៉ឺន មេឃា អេ អាំម៉ារីនភូថង សុទ្ធតែឡើងដល់វគ្គផ្ដាច់ព្រ័ត្រលុយរង្វាន់ខ្ទង់ម៉ឺនដុល្លារ។
ដូចទៅនិងអ្នកគាំទ្របានឃើញផ្ទាល់ហើយថាកីឡាករ ម៉ឺន មេឃា និង អេ អាំម៉ារីនភូថង គឺឈ្នះផ្ទួនៗ និងកម្រចាញ់ការប្រកួតនានាណាស់នាពេលបច្ចុប្បន្ននេះ។ ដែលអស្ចារ្យទៀតនោះគឺការផ្ដួលដៃគូដើម្បីឈានដល់វគ្គផ្ដាច់ព្រ័ត្ររៀងៗខ្លួនកន្លងទៅថ្មីៗនេះ។
ម៉ឺន មេឃា បានផ្ដួល ឈិត សេរីវណ្ណថង ឲ្យសន្លប់ក្នុងវគ្គសន្សំពិន្ទុក្នុងពូល និងបន្តវ៉ៃឲ្យ តាញ់ មករា សន្លប់ក្នុងវគ្គពាក់កណ្ដាលផ្ដាច់ព្រ័ត្របានឡើងទៅវគ្គផ្ដាច់ព្រ័ត្រខ្សែក្រវាត់គោជល់ទម្ងន់ ៦០គីឡូក្រាមសប្ដាហ៍នេះនៅ CNC។
ចំណែក អេ អាំម៉ារីនភូថង វិញក៏មិនធម្មតាដែរ២ប្រកួតចុងក្រោយនេះផ្ដួល ភួង ពិសិដ្ឋ ឲ្យសន្លប់ និងឈ្នះ លាភ រដ្ឋា បានឡើងទៅវគ្គផ្ដាច់ព្រ័ត្រពានរង្វាន់ King Fighter របស់ទូរទស្សន៍ហង្សមាស ថែមទៀតផង។
ថ្ងៃសៅរ៍ ទី២៦ ខែមិថុនា ២០២១ នេះជាការប្រកួតផ្ដាច់ព្រ័ត្ររវាង ម៉ឺន មេឃា និង ឈិត សេរីវណ្ណថង ដណ្ដើមខ្សែក្រវាត់គោជល់ទម្ងន់៦០គីឡូក្រាមនៅសង្វៀន CNC។ ចំពោះប្រាក់រង្វាន់អ្នកឈ្នះបាន ២០លានរៀល និងមានឱកាសទៅជួប ឃីម បូរ៉ា ដណ្ដើមខ្សែក្រវាត់១គ្រឿងទៀត អមដោយទឹកប្រាក់ ២០លានរៀលបន្ថែមទៀត។
ថ្ងៃសៅរ៍ ទី៣ ខែកក្កដា ឆ្នាំ២០២១ ខែក្រោយនេះជាការប្រកួតផ្ដាច់ព្រ័ត្ររវាង អេ អាំម៉ារីនភូថង និង ម៉ន សាម៉េត ដណ្ដើមពានរង្វាន់ King Fighter អមដោយទឹកប្រាក់៤០លានរៀល(១ម៉ឺនដុល្លារ) នៅទូរទស្សន៍ហង្សមាស។ រង់ចាំមើលតើកូនលោក អេ ភូថង ទាំង២អាចក្រសោបលុយក៏ដូចជាឈ្នះវគ្គសំខាន់នោះទេ៕
