- 2021-06-14 03:56:09
- ប្រដាល់
អីយ៉ា! រិន សារ័ត្ន បបួលកូនសិស្សលោក ស៊ន អេលីត វ៉ៃដាក់ទ្រុងភ្នាល់លុយ ១០លាន
- 2021-06-14 03:56:09
- ចំនួនមតិ 0 | ចំនួនចែករំលែក 0
អីយ៉ា! រិន សារ័ត្ន បបួលកូនសិស្សលោក ស៊ន អេលីត វ៉ៃដាក់ទ្រុងភ្នាល់លុយ ១០លាន
ចន្លោះមិនឃើញ
នេះបើតាមការបង្ហោះលើហ្វេសបុករបស់កីឡាករ រិន សារ័ត្ន មុននេះបានបញ្ជាក់ថា «ខ្ញុំអន់ណាស់ ប៉ុន្តែវាយដាក់ទ្រុង ខ្ញុំសុំវាយជាមួយកូនសិស្សលោក ស៊ន អេលីត ម្នាក់ណាក៏បាន ដាក់ដើមផាន់ ១០លានរៀល។ គុនខ្មែរខុសពីវាយដាក់ទ្រុង សង្ឃឹមថាបងប្អូនយល់»។
បន្ទាប់ពីលេចឮដំណឹងថាកីឡាករ រិន សារ័ត្ន បានចុះកុងត្រាប្រកួតជាមួយកម្មវិធី MMA មួយនៃប្រទេសឥណ្ឌាកន្លងទៅរួចមក ក៏មានមតិច្រើនលើកឡើងពីរូបគេ មានទាំងនិយាយដល់សមត្ថភាពវ៉ៃក្នុងស្រុកបច្ចុប្បន្ននេះទៀតផង។ អាចជារឿងទាំងនេះហើយទើបកីឡាករ រិន សារ័ត្ន បង្ហោះលើហ្វេសបុករបស់គេបបួលវ៉ៃក្នុងទ្រុងរហូតហ៊ានភ្នាល់លុយដល់ទៅ ១០លានរៀលឯណោះ។
រំលឹកដែរថា រិន សារ័ត្ន ជាអតីតអ្នកប្រដាល់ក្នុងទ្រុងរបស់កម្ពុជានាពេលកន្លងទៅ និងធ្លាប់បានប្រឡូកច្រើនការវ៉ៃក្នុងទ្រុង MMA ដូចជាសង្វៀន ONE កម្មវិធីធំៗមួយចំនួនទៀត។ បច្ចុប្បន្នកូនសិស្សលោក ហ៊ុន ចន្ទរាជ្យ រូបនេះក៏ឡើងសង្វៀនគុនខ្មែរតាមបណ្ដាទូរទស្សន៍ផ្សេងៗផងដែរ៕
