- 2021-05-24 02:51:32
- បាល់ទាត់
១ គ្រាប់យប់មិញ Kane ឈ្នះ Salah ដណ្ដើមស្បែកជើងមាសទាន់កំណត់ត្រា Alan Shearer
- 2021-05-24 02:51:32
- ចំនួនមតិ 0 | ចំនួនចែករំលែក 0
១ គ្រាប់យប់មិញ Kane ឈ្នះ Salah ដណ្ដើមស្បែកជើងមាសទាន់កំណត់ត្រា Alan Shearer
ចន្លោះមិនឃើញ
គ្រាប់ទី២៣លើក្រុម Leicester City របស់ Harry Kane កាលពីយប់មិញបានធ្វើឱ្យគេឈ្នះស្បែកជើងមាស នៅក្របខ័ណ្ឌ Premire League ជាលើកទី៣ ចំណែក Mohamed Salah មានត្រឹម២២គ្រាប់ប៉ុណ្ណោះ ព្រោះខ្សែប្រយុទ្ធហង្សក្រហម Liverpool មិនអាចរកគ្រាប់បាន ទោះក្រុមពួកគេឈ្នះ Crystal Palace ២-០ ក៏ដោយ។
អ្វីដែលគួរឱ្យកត់សម្គាល់បន្ថែមទៀតនោះ គឺខ្សែប្រយុទ្ធដ៏មុតស្រួចរបស់ក្រុមមាន់ខ្នាយមាស រកគ្រាប់បាល់បានលើស២០គ្រាប់នៅ Premier League រហូតដល់ទៅ ៥ លើកក្នុងរយៈពេល ៧ ឆ្នាំចុងក្រោយនេះ ចាប់តាំងពីរដូវកាលឆ្នាំ២០១៧-២០១៨មក។
ការគ្រងស្បែកជើងមាសជាលើកទី៣នេះដែរ បានធ្វើឱ្យ Kane ក្លាយជាខ្សែប្រយុទ្ធដ៏ឆ្នើមនៅ Premier League តាមទាន់កំណត់ត្រារបស់ខ្សែប្រយុទ្ធ Alan Shearer ប៉ុន្តែពួកគេទាំងពីរនៅមិនទាន់អាចបំបែកកំណត់ត្រា Thierry Henry បានទេដ្បិតកីឡាករបារាំងរូបនេះទទួលបានរហូតដល់ទៅ ៤ ដង។
គួរបញ្ជាក់ថា មួយគ្រាប់របស់ខ្សែប្រយុទ្ធអង់គ្លេសវ័យ២៧ឆ្នាំ Harry Kane លើក្រុមកញ្ច្រោងខៀវ Leicester City រកបាននៅនាទី ៤១ ចំណែកខ្សែប្រយុទ្ធសញ្ជាតិវែល Gareth Bale រកបាន២គ្រាប់ម្នាក់ឯង និង១គ្រាប់ទៀតជាគ្រាប់ Own Goal ធ្វើបានដោយកីឡាករ Leicester K.Schmeichel៕