- 2021-04-02 04:52:22
- បាល់ទាត់
Laporta ថា Barcelona មានលុយគ្រប់ សម្រាប់ទិញយក Haaland
- 2021-04-02 04:52:22
- ចំនួនមតិ 0 | ចំនួនចែករំលែក 0
Laporta ថា Barcelona មានលុយគ្រប់ សម្រាប់ទិញយក Haaland
ចន្លោះមិនឃើញ
លោក Joan Laporta បានចេញមុខមកបញ្ជាក់យ៉ាងច្បាស់ថាក្រុម FC Barcelona មានប្រាក់គ្រប់គ្រាន់ ប្រសិនបើពិតជាចង់ទិញយក Haaland ឱ្យបាននៅរដូវក្ដៅខាងមុខនេះមែន។
ភ្នាក់ងារទីផ្សាររបស់ Haaland មានឈ្មោះថា Mino Raiola បានធ្វើដំណើរទៅក្រុងបាសេឡូណា ម្សិលមិញ មុនពេលទៅក្រុងម៉ាឌ្រីតទៀត។ ពេលចេញពីអេស្ប៉ាញ ភ្នាក់ងារទីផ្សារកីឡាករល្បីឈ្មោះរូបនេះនឹងហោះទៅអង់គ្លេស ដើម្បីជួបក្លឹបជាច្រើនទៀត ក្នុងកិច្ចចរចាតម្លៃខ្លួនរបស់ Haaland ធ្វើយ៉ាងណាឱ្យបានចេញពី Dortmund នៅរដូវក្ដៅខាងមុខនេះ ក្រោយពីមានក្លឹបជាច្រើនចង់បាន។
បន្ទាប់ពីចប់កិច្ចពិភាក្សាគ្នារួច លោក Laporta ប្រធានក្លឹប FC Barcelona បានចេញមុខមកនិយាយថាក្រុមរបស់លោកមានលទ្ធភាពគ្រប់គ្រាន់ក្នុងការយកកីឡាករវ័យក្មេងរបស់ន័រវេសមករួមក្រុមបាន។ ស្របពេលក្រុម Dormtund ឯណោះកាលពីពេលកន្លងទៅ បានដាក់តម្លៃផ្ដាច់កុងត្រារហូតដល់ទៅ១៥៤លានផោន។ តម្លៃខ្លួននេះ ទំនងជាធ្វើឱ្យក្លឹបជាច្រើនដែលចង់បាននោះ ថយ១ជំហានវិញហើយ៕