យើង​ធ្លាប់​តែ​ដឹង​ថា​កីឡាករ​គុន​ខ្មែរ​ភាគច្រើន​ហ្វឹកហាត់​ និង​ការ​ឡើង​ប្រកួត​របស់​ពួកគេ​ ប៉ុន្តែ​អាច​និង​មិន​សូវ​បាន​ដឹង​អំពី​រឿង​ Channel Youtube​ ផ្ទាល់​ខ្លួន​ដែល​អ្នក​ប្រដាល់​ទាំង​នោះ​បាន​បង្កើត​ឡើង​នោះ​ឡើយ។​

​ថ្ងៃ​នោះ​ Sabay​ សុំ​លើក​យក​កីឡាករ​ល្បីឈ្មោះ​នៅ​កម្ពុជា​ដែល​កំពុង​មាន​ Channel Youtube​ ផ្ទាល់​ខ្លួន​នា​ពេល​បច្ចុប្បន្ន​នេះ។​ តោះ!​ មាន​កីឡាករ​រូប​ណា​ខ្លះ។​

ទី១​ កីឡាករ​ ឃឹម​ ឌីម៉ា​

អ្នក​លេង​គុន​ខ្មែរ​ និង​ជា​កងរាជអាវុធហត្ថ​រូប​នេះ​ Channel Youtube​ របស់​គេ​មាន​ឈ្មោះ​ថា​ Dima khim​ ដែល​បច្ចុប្បន្ន​នេះ​មាន​ចំនួន​ subscribers 9.4K។​ គេ​សង្កេត​ឃើញ​ថា​ ឌីម៉ា​ តែង​ធ្វើ​សកម្មភាព​ ឬ​ធ្វើ​វីដេអូ​ដាក់​ចូល​ជា​បន្តបន្ទាប់​ដូច​ជា​ការ​ហ្វឹកហាត់​របស់​សិស្ស​ប្អូន​ក្នុង​ក្លឹប​ជា​ដើម។​ មួយ​វិញ​ទៀត​ឥលូវ​នេះ​គេ​ឃើញ​អ្នក​ប្រដាល់​រូប​នេះ​កំពុង​ធ្វើ​វីដេអូ​ញុំ​ម្ហូប​ដាក់​ចូល​ផង​ដែរ។​

ទី២​ កីឡាករ​ សែន​ រ៉ាដេត​

អ្នក​ប្រដាល់​សាច់​ស​រូប​នេះ​ក៏​មាន​ Channel Youtube​ ដែរ​គឺ​មាន​ឈ្មោះ​ថា​ Sen Radeth Official ​បច្ចុប្បន្ន​នេះ​មាន​អ្នក​ subscribers​ 3.33K​ ផង​ដែរ។​ រ៉ាដេត​ ភាគ​ច្រើន​ដាក់​បញ្ចូល​នូវ​សកម្មភាព​ប្រចាំ​ថ្ងៃ​មួយ​ចំនួន​ និង​ការ​ហ្វឹកហាត់​របស់​គេ។​ អ្វី​ដែល​ប្លែក​ម្យ៉ាង​នោះ​គឺ​អ្នក​ប្រដាល់​រូប​នេះ​ចូលចិត្ត​ធ្វើ​ Video Blog​ ផ្សេងៗ​ដោយ​ប្រើ​ម៉ាស៊ីន​កាំមេរ៉ា​កាន់​ដៃ​ថែម​ទៀត​ផង។​

ទី៣​ កីឡាករ​ ឈុត​ សេរីវណ្ណថង​

អ្នក​ប្រដាល់​សាច់​ស​រូប​នេះ​ក៏​មាន​ Channel Youtube​ ដែរ​គឺ​មាន​ឈ្មោះ​ថា​ Chhut Sereyvannthong Boxing​ ដែល​បច្ចុប្បន្ន​នេះ​មាន​ចំនួន​ subscribers 1.5K។​ Youtube​ នេះ​គឺ​ វណ្ណថង​ តែងតែ​ដាក់​ចូល​នូវ​វីដេអូ​ការ​ហ្វឹកហាត់​របស់​គេ​ផង​ដែរ​ក៏​ដូច​ជា​សកម្មភាព​ផ្ទាល់​ខ្លួន​មួយ​ចំនួន​ទៀត។​

ទី៤​ កីឡាករ​ ឃឹម​ បូរ៉ា​

កីឡាករ​កំពុង​ឡើង​កូដ​ខ្លាំង​នៅ​ពេល​ កូវីដ​ នេះ​ក៏​ទើប​តែ​បង្កើត​ Channel Youtube​ ថ្មីៗ​នេះ​ដែរ​គឺ​មាន​ឈ្មោះ​ថា​ Khim Bora ​បច្ចុប្បន្ន​នេះ​គឺ​មាន​ចំនួន​ subscribers 28 ​នាក់​ផង​ដែរ។​ ការ​បង្កើត​ Channel Youtube​ ហាក់​ដូច​ជា​ចំណេះ​ដឹង​ថ្មី​សម្រាប់​ បូរ៉ា​ ដូច្នេះ​ហើយ​នៅ​មិន​ទាន់​មាន​សកម្មភាព​ ឬ​វីដេអូ​ប្លែក​អ្វី​ច្រើន​នោះ​ទេ។​