- 2021-03-12 02:40:41
- បាល់ទាត់
គ្រប់គ្នាអាចនឹងឈប់បន្ទោស Ronaldo ពេលឭ Bruno និយាយមួយឃ្លានេះ
- 2021-03-12 02:40:41
- ចំនួនមតិ 0 | ចំនួនចែករំលែក 0
គ្រប់គ្នាអាចនឹងឈប់បន្ទោស Ronaldo ពេលឭ Bruno និយាយមួយឃ្លានេះ
ចន្លោះមិនឃើញ
Bruno Fernandes បានបង្ហាញការគាំទ្រលើមិត្តរួមជាតិ Cristiano Ronaldo បន្ទាប់ខ្សែប្រយុទ្ធរូបនេះទទួលការបន្ទោសជាច្រើនសម្រាប់ការធ្លាក់ចេញពី Champions League របស់ Juventus។
ក្រុមលោក Andrea Pirlo បានជ្រុះចេញពីពាន UCL បន្ទាប់ពីលេងសរុបទាំងពីរជើងលទ្ធផលស្មើគ្នា ៤-៤ ជាមួយ Porto។ Ronaldo មិនអាចជួយក្រុមឲ្យឡើងទៅវគ្គបន្តបានឡើយ ហើយថែមទាំងត្រូវមតិជុំវិញបន្ទោសទៀតដោយសារតែគេបានបែរខ្នង ធ្វើឲ្យ Serio Oliviera ទាត់ Free-Kick ចូល។
យ៉ាណាមិញតារារបស់ United គឺ Fernandes បានគិតថាទំនួសខុសត្រូវគ្រប់យ៉ាងមិនគួរទម្លាក់លើ Ronaldo តែម្នាក់ឯងទេ។ ដោយគេសំអាងថា បាល់ទាត់គឺលេងជាក្រុម ហើយកីឡាករ Juventus ទាំងអស់គួរតែទទួលបានការបន្ទោសដែរ។
Bruno បាននិយាយថា Ronaldo ជាកីឡាករអស្ចារ្យម្នាក់ក្នុងប្រវត្តិសាស្រ្ដបាល់ទាត់។ គេបានជម្រុះទឹកចិត្តមនុស្សជាច្រើនឲ្យលេងកីឡានេះ។ គេធ្លាប់បានឈ្នះការប្រកួតជាច្រើន ប៉ុន្តែគ្មាននរណាម្នាក់អាចឈ្នះការប្រកួតម្នាក់ឯងទេ។ “ពេលដែលក្រុមមួយចាញ់ គឺកីឡាករទាំងអស់ចាញ់ដូចគ្នា មិនមែនចាញ់តែកីឡាករម្នាក់ទេ”។ Bruno សង្កត់ធ្ងន់៕
