- 2021-02-24 09:39:52
- ប្រដាល់
ដណ្ដើមប្រាក់លានសប្ដាហ៍នេះកក្រើកហើយ លន បញ្ញា សូត្រ ប៊ុនធី វ៉ាន់ វឿន ខេម ចាន់
- 2021-02-24 09:39:52
- ចំនួនមតិ 0 | ចំនួនចែករំលែក 0
ដណ្ដើមប្រាក់លានសប្ដាហ៍នេះកក្រើកហើយ លន បញ្ញា សូត្រ ប៊ុនធី វ៉ាន់ វឿន ខេម ចាន់
ចន្លោះមិនឃើញ
គូដណ្ដើមប្រាក់លានរបស់សង្វៀន CNC ថ្ងៃសៅរ៍នេះសុទ្ធតែសងសឹកគ្នាដឹងតែកក្រើកហើយ លន បញ្ញា ប៉ះ សូត្រ ប៊ុនធី ខណៈ វ៉ាន់ វឿន ប៉ះ ខេម ចាន់ ។
បើតាមការបង្ហោះផ្សព្វផ្សាយលើផេក Sport Zone របស់ទូរទស្សន៍ CNC បានបញ្ជាក់ហើយថាគូដណ្ដើមប្រាក់លានសប្ដាហ៍នេះមិនធម្មតាសុទ្ធតែសងសឹកគ្នា ខណៈពីមុនមានចាញ់ មានឈ្នះទៅវិញទៅមក។
រវាង លន បញ្ញា និង សូត្រ ប៊ុនធី ទាំងពីរនាក់នេះវ៉ៃគ្នាក៏មិនធម្មតាដែរ ពោលចេញអស់ក្បាច់តែម្ដង។ ប៉ះគ្នានៅសង្វៀន PNN ចុងក្រោយនេះគឺ ប៊ុនធី ចេញកែងច្រើនមែនទែន ធ្វើឲ្យ បញ្ញា បែកចិញ្ចើមផង ប៉ុន្តែក៏ចូលជង្គង់វិញចង់សន្លប់ដែរ។ គូនេះច្បាស់ជាវ៉ៃប្ដូរគ្នាគ្មានសំចៃឡើយ ព្រោះម្នាក់ៗចង់ឈ្នះ ចង់បានប្រាក់លានដូចគ្នា។
ចំណែកគូ វ៉ាន់ វឿន ប៉ះ ខេម ចាន់ ក៏មានប្រវត្តិឈ្នះគ្នាទៅវិញទៅមកមិនតិចដងដែរ ហើយអ្វីដែលចាប់អារម្មណ៍នោះសមត្ថភាពរីកចម្រើនមួយរយៈពេលចុងក្រោយនេះ។ វ៉ាន់ វឿន ទើបតែផ្ដួលជើងខ្លាំង រិន ដេវីត ឲ្យសន្លប់ទឹក១ ខណៈដៃគូម្នាក់នេះកំពុងឡើងខ្លាំងហើយនៅតែមិនអាចទប់ជាប់។ ខេម ចាន់ ជាកីឡាករវ៉ៃក្បាច់មួយរូបប្រចាំក្លឹបឆត្រយោង ៩១១ និងមានបទពិសោធច្រើនលើវិស័យកីឡាគុនខ្មែរ។ កីឡាកររូបនេះមិនងាយនិងស៊ីស្រួលៗទេ ព្រោះទាំងកណ្ដាប់ដៃ ទាត់ ជង្គង់គឺប្រើបានល្អទាំងអស់។
រង់ចាំមើលថាតើនរណានឹងឈ្នះការប្រកួតហើយដណ្ដើមប្រាក់លានពីកម្មវិធីខារ៉ាបាវ នៅថ្ងៃសៅរ៍ ទី២៧ ខែកុម្ភៈ ឆ្នាំ២០២១ វេលាម៉ោង ២តទៅ។ វ៉ាន់ វឿន ប៉ះ ខេម ចាន់ លន បញ្ញា ប៉ះ សូត្រ ប៊ុនធី៕
