- 2021-02-23 07:31:33
- ប្រដាល់
មិនធម្មតា! ខែកុម្ភៈនេះកីឡាករ ៣រូប បង្ហាញម៉ូតូថ្មីទើបទិញបានដោយសារប្រដាល់
- 2021-02-23 07:31:33
- ចំនួនមតិ 0 | ចំនួនចែករំលែក 0
មិនធម្មតា! ខែកុម្ភៈនេះកីឡាករ ៣រូប បង្ហាញម៉ូតូថ្មីទើបទិញបានដោយសារប្រដាល់
ចន្លោះមិនឃើញ
ក្នុងខែកុម្ភៈនេះគេឃើញមានកីឡាករគុនខ្មែរ ៣រូប ដែលបានបង្ហោះរូបភាពម៉ូតូថ្មីដែលទើបនិងទិញយកមកប្រើប្រាស់ អមដោយពាក្យអរគុណដល់វិស័យប្រដាល់គុនខ្មែរដែលជួយឲ្យពួកគេមានប្រាក់ចំណូលក៏ដូចជាសន្សំបានទិញបែបនេះ។
គេឃើញកីឡាករគុនខ្មែររូបនេះបានបង្ហោះរូបភាពម៉ូតូ Honda Dream សេរីថ្មី ១គ្រឿង លើហ្វេសបុក «អេលី សាន់» កាលពីថ្ងៃទី៩ ខែកុម្ភៈ ឆ្នាំ២០២១ ថ្មីៗនេះ។ អេលីត សាន់ ជាកូនសិស្សលោក ស៊ន អេលីត នៃក្លឹបប្រដាល់នាយដ្ឋានអង្គរក្ស។ គេសង្កេតឃើញកីឡាកររូបនេះមានជីវភាពធូរធារនៅពេលមកកាន់ក្លឹបថ្មីមួយនេះ។
កូនសិស្សលោក ឈុត សារី រូបនេះក៏បានបង្ហោះរូបទិញម៉ូតូ Honda Dream សេរីថ្មី ១គ្រឿង ផងដែរកាលពីថ្ងៃទី២១ ខែកុម្ភៈ ឆ្នាំ២០២១ ដោយអមនូវពាក្យស្វាគមន៍សមាជិកថ្មី និងអរគុណណាស់គុនខ្មែរ លើហ្វេសបុក «Sorn Rakim»។ សិស្សប្អូន ឈិត សេរីវណ្ណថង រូបនេះឥលូវក៏មានកេរ្តិ៍ឈ្មោះ និងប្រកួតបានច្រើនផងដែរ។
សិស្សគុនរបស់ក្លឹបអរុណរៈកីឡាម្នាក់នេះក៏បានបង្ហោះរូបភាពទិញម៉ូតូ YAMAHA MT សេរីថ្មី ១គ្រឿងនៅថ្ងៃនេះតែម្ដងលើហ្វេសបុក «Tuoch Devit» អមដោយពាក្យថា អរគុណគុនខ្មែរ ញើសឈាមពីប្រដាល់គុនខ្មែរ។ កូនសិស្សលោក អាត សំរឹទ្ធ រូបនេះក៏បានប្រកួតច្រើនដែរអំឡុងពេលនេះ ខណៈកេរ្តិ៍ឈ្មោះក៏ល្បីគួរសមផងក្រោយប៉ះជើងចាស់ជាច្រើននាក់រួចមក។