- 2021-02-18 10:41:31
- ប្រដាល់
ម៉ឺន មេឃា សប្ដាហ៍នេះប៉ះរៀមច្បង១រូបទៀតហើយលើសង្វៀន CNC
- 2021-02-18 10:41:31
- ចំនួនមតិ 0 | ចំនួនចែករំលែក 0
ម៉ឺន មេឃា សប្ដាហ៍នេះប៉ះរៀមច្បង១រូបទៀតហើយលើសង្វៀន CNC
ចន្លោះមិនឃើញ
អ្នកប្រដាល់វ័យក្មេង ម៉ឺន មេឃា ថ្ងៃសៅរ៍សប្ដាហ៍នេះត្រូវតតាំងជាមួយរៀមច្បង១រូបទៀតហើយគឺ រិន សារ័ត្ន ក្នុងតំណែងជាគូឯកប្រចាំកម្មវិធីគោជល់ផងដែរ។
ចំពោះគូនេះមើលតាមជាក់ស្ដែងគឺ រិន សារ័ត្ន ចាស់វស្សាជាង ម៉ឺន មេឃា ព្រោះចូលប្រឡូកក្នុងវិស័យប្រដាល់យូរហើយ និងធ្លាប់ឆ្លងកាត់បទពិសោធច្រើនលើឆាកអន្តរជាតិនាពេលកន្លងទៅដូចជា ONE WLC ជាដើម។
បើទោះជា សារ័ត្ន ជាកីឡាករចាស់វស្សាមែន ប៉ុន្តែអ្នកលេងគុនខ្មែររូបនេះមិនសូវជាកាក់កបប៉ុន្មានឡើយមួយរយៈពេលចុងក្រោយនេះ ពោលចាញ់ច្រើនជាងឈ្នះ។ ចំណែកឯ មេឃា វិញគឺកំពុងមានកេរ្តិ៍ឈ្មោះល្បី និងសមត្ថភាពរីកចម្រើនដែរ ពោលមួយរយៈនេះគឺចាញ់តែ ឃីម បូរ៉ា នោះទេក្រៅពីនេះឈ្នះសឹងទាំងអស់។ សូម្បី អេលីត ចំរើន ក៏ធ្លាប់បរាជ័យក្រោមថ្វីដៃកូនប្រុសលោក អេ ភូថង ដែរ។
ការប៉ះគ្នារវាង រិន សារ័ត្ន និង ម៉ឺន មេឃា នេះពិបាកប៉ាន់ស្មានដែរ ព្រោះម្នាក់ចាស់បទពិសោធ និងជាកីឡាករប្រឹងហាត់ ខណៈ មេឃា ជាកីឡាករវ៉ៃក្បាច់ និងស្រឡាញ់កិត្តិយស។ រំលឹកដែរថា ការប្រកួតរវាង ម៉ឺន មេឃា និង រិន សារ័ត្ន នេះនឹងធ្វើឡើងនៅថ្ងៃសៅរ៍ ទី២០ ខែកុម្ភៈ ២០២១ លើសង្វៀន CNC ចាប់ពីម៉ោង ៦ល្ងាចតទៅ៕