- 2021-01-27 04:30:06
- បាល់ទាត់
បង្ហាញពីហេតុផលដែលធ្វើឲ្យ De Bruyne និង Salah មិនជោគជ័យនៅ Chelsea
- 2021-01-27 04:30:06
- ចំនួនមតិ 0 | ចំនួនចែករំលែក 0
បង្ហាញពីហេតុផលដែលធ្វើឲ្យ De Bruyne និង Salah មិនជោគជ័យនៅ Chelsea
ចន្លោះមិនឃើញ
Oscar អតីតកីឡាកររបស់ Chelsea បានបង្ហើបពីហេតុផលដែលធ្វើឲ្យ Kevin De Bruyne និង Mohame Salah បរាជ័យនៅតោខៀវ។
អំឡុងពេលលេងនៅ Chelsea កីឡាករសញ្ជាតិប្រេស៊ីលធ្លាប់លេងជាមួយ De Bruyne និង Salah ប៉ុន្តែអ្នកទាំងពីរត្រូវបានក្លឹបលក់ចេញ មុនពេលក្លាយជាតារាលេចធ្លោខ្លាំងនៅ Premier League។ នៅពេលថ្មីៗនេះ Oscar បាននិយាយពីកត្តាមួយចំនួនដែលនាំឲ្យ De Bruyne និង Salah គ្មានឱកាសបន្តលេងនៅ Chelsea ដែលកាលនោះក្រោមការដឹកនាំរបស់ Jose Mourinho។
Oscar បានរឭកថា៖ "កាលគ្រានោះ Hazard, De Bruyne និងខ្ញុំត្រូវគេដាក់ឲ្យលេងនៅតំបន់កណ្ដាលជាមួយគ្នា ហើយវាពិតជាដំណើរការល្អ។ De Bruyne មានឱកាសតិចតួច។ គេលេងល្អប៉ុន្តែបន្ទាប់មកក៏មានរបួស។ ខ្ញុំគិតថា ដោយសារភាពមិនអាចលេងស្ថិតស្ថេរនៅក្លឹបមួយដែលមានជម្រើសច្រើននៅតំបន់កណ្ដាល ជាហេតុធ្វើឲ្យគេមិនអាចឈរជើងបាន”។
សម្រាប់ Salah វិញ Oscar ពន្យល់ថា៖ “គេលេចធ្លោអំឡុងពេលហ្វឹកហាត់ ប៉ុន្តែលេងលើទីលានមែនទែនគ្មានសកម្មភាពគួរឲ្យចាប់អារម្មណ៍សោះ។ អំឡុងពេលការប្រកួត ខ្ញុំគិតថា គេមិនមានទំនុកចិត្ត ដូចដែលគេលេងជាមួយក្លឹបផ្សេង ជាពិសេសនៅ Liverpool ពេលនេះ”។
Oscar ធ្លាប់លេងឲ្យ Chelsea ពីឆ្នាំ២០១២ដល់២០១៧ ក្រោយពីក្លឹបនៅប្រេស៊ីល Internacional។ គេបង្ហាញខ្លួនលេងបានសរុប២០៣ប្រកួតឲ្យតោខៀវ រកបាន៣៨គ្រាប់ មុនពេលផ្លាស់ទៅក្លឹបនៅចិន Shanghai SIPG៕