- 2021-01-25 02:45:32
- ប្រដាល់
រូបភាព McGregor ដេកដួលក្នុងទ្រុងត្រូវបានគេកាត់ត Troll ពេញបណ្ដាញសង្គម
- 2021-01-25 02:45:32
- ចំនួនមតិ 0 | ចំនួនចែករំលែក 0
រូបភាព McGregor ដេកដួលក្នុងទ្រុងត្រូវបានគេកាត់ត Troll ពេញបណ្ដាញសង្គម
ចន្លោះមិនឃើញ
អ្នកលេងបណ្ដាញសង្គម Twitter ជាច្រើនបានកាត់តរូបភាព Troll លើកីឡាករ Conor McGregor បន្ទាប់ពីចាញ់ Dustin Poirier កាលពីម្សិលមិញ។
ក្នុងការប្រកួត កីឡាករសញ្ជាតិអាមេរិក Dustin Poirier បានព្យាយាមទាត់ជើងស្ដាំរបស់ McGregor រហូតដល់ឈឺ។ គេបានបញ្ចប់ McGregor ត្រឹមទឹកទីពីរ ដោយចំណាយពេល២នាទីនិង៣២វិនាទី ហើយក៏ជាការសងសឹកបានសម្រេចផងដែរ បន្ទាប់ពីធ្លាប់ចាញ់កាលពីជាង៦ឆ្នាំមុន។
យ៉ាណាមិញ រូបភាព McGregor ដេកដួលបោះបង់ការប្រកួតត្រូវបានអ្នកលេងបណ្ដាញសង្គម Twitter យកទៅ Troll ពាសពេញ។ មានគណនីមួយបានកាត់រូបកីឡាករសញ្ជាតិអៀរឡង់ដេកលើគ្រែក្នុងមន្ទីរពេទ្យ ខណៈម្នាក់ទៀតកាត់រូបគេដេកកើយខ្នើយដណ្ដប់ភួយក្នុងទ្រុង។
Conor McGregor បានខកខានមិនបានប្រកួតមួយឆ្នាំពេញ ក្រោយយកឈ្នះ Donald Cerrone ក្នុងទឹកទីមួយ កាលពីឆ្នាំ២០២០។ កីឡាករវ័យ៣២ឆ្នាំក៏មានបំណងចង់សងសឹក Poirier វិញដែរ ប្រសិនបើមានឱកាស៕
