- 2021-01-18 04:09:58
- ប្រដាល់
សែន រ៉ាដេត៖ ចូលមួយកែងរបស់ ខ្លានាង ក្នុងទឹក២ សឺមើលឃើញកីឡាករចេញជា២នាក់
- 2021-01-18 04:09:58
- ចំនួនមតិ 0 | ចំនួនចែករំលែក 0
សែន រ៉ាដេត៖ ចូលមួយកែងរបស់ ខ្លានាង ក្នុងទឹក២ សឺមើលឃើញកីឡាករចេញជា២នាក់
ចន្លោះមិនឃើញ
ជើងខ្លាំងទម្ងន់ស្រាល សែន រ៉ាដេត ថាចូលកែងរបស់ ខាំ ខ្លានាង ក្នុងទឹកទី២ នោះធ្វើឲ្យខ្លួនសឺ និងមើលឃើញកីឡាករចេញជា២នាក់ ប៉ុន្តែខំប្រឹងទប់ប្រមូលអារម្មណ៍បន្តការប្រកួតទៀត។
រ៉ាដេត បានឲ្យដឹងថា នៅទឹក២ គឺជាទឹកដែលលំបាកខ្លាំងសម្រាប់រូបគេ ព្រោះនៅពេលនោះត្រូវមួយកែងរបស់ ខាំ ខ្លានាង ឡើងសឺ និងមើលមិនច្បាស់នោះឡើយ ឃើញកីឡាករបែកចេញជា២នាក់។ បើទោះជាត្រូវខ្លាំងយ៉ាងនេះក្ដី ប្អូនប្រុសរបស់ សែន រ៉ាឌី ខាងលើនេះមិនបោះបង់ការប្រកួតនោះឡើយ ពោលខំប្រឹងប្រមូលអារម្មណ៍ និងដើរបុកវ៉ៃយកពិន្ទុវិញ។
ជំនួបលើកទី២នេះ សែន រ៉ាដេត ថាសមត្ថភាពរបស់ ខាំ ខ្លានាង មិនខុសពីមុនទេ ពោលគឺចេញលឿនដដែល។ ប៉ុន្តែដោយសារតែខ្លួនហ្វឹកហាត់បានពេញល្អ ដូច្នេះមានស៊ុហ្វវ៉ៃជាងមុន និងចេញបានច្រើន។
រំលឹកដែរថា សែន រ៉ាដេត ម្សិលមិញនេះបានឈ្នះពិន្ទុលើកីឡាករ ខាំ ខ្លានាង នៅសង្វៀន PNN។ អ្នកទាំង២នាក់នេះគឺធ្លាប់ប៉ះគ្នា១ដងហើយ ប៉ុន្តែកាលនោះបានត្រឹមស្មើពិន្ទុគ្នា៕
