- 2020-12-22 02:53:58
- បាល់ទាត់
Lampard៖ ខ្ញុំមិនអាចលេងដូច Silva ឡើយ បើប្រៀបកាលនៅវ័យ៣៦ឆ្នាំដូចគ្នា
- 2020-12-22 02:53:58
- ចំនួនមតិ 0 | ចំនួនចែករំលែក 0
Lampard៖ ខ្ញុំមិនអាចលេងដូច Silva ឡើយ បើប្រៀបកាលនៅវ័យ៣៦ឆ្នាំដូចគ្នា
ចន្លោះមិនឃើញ
Frank Lampard បាននិយាយសរសើរអំពីគុណភាពលេងរបស់ Thiago Silva ក្នុងការជួយ Chelsea និងថាលោកមិនអាចលេងដូច Silva បានឡើយ បើប្រៀបកាលនៅវ័យ៣៦ឆ្នាំដូចគ្នា។
ខ្សែការពារសញ្ជាតិប្រេស៊ីលបានផ្លាស់មក Chelsea ពីក្លឹប Paris Saint-Germain ក្នុងរដូវក្ដៅនេះ និងតែងបង្ហាញខ្លួនស្ទើរតែគ្រប់ប្រកួត Premier League។ កាលពីយប់មិញកីឡាករវ័យ៣៦ឆ្នាំបានតែតបញ្ចូលទីមួយគ្រាប់ ជួយតោខៀវយកឈ្នះ West Ham ៣-០។
Lampard បានលើកសរសើរពីគុណភាពលេងរបស់ Silva ដែលអាចនៅតែលេងល្អ ត្បិតមានវ័យ៣៦ឆ្នាំទៅហើយ។ Lampard ចាំបានថា កាលពីលោកមានវ័យ៣៦ឆ្នាំ ហើយលេងនៅ Premier League គឺមិនអាចលេងបានជាប់លាប់ដូច Silva ឡើយ។
អ្នកចាត់ការសញ្ជាតិអង់គ្លេសបន្ថែមថា Silva ជាកំពូលកីឡាករម្នាក់យូរមកហើយ។ ប៉ុន្តែ សម្រាប់កីឡាករមិនធ្លាប់លេងនៅ Premier League អាចមានសម្ពាធខ្ពស់។ យ៉ាងណា Silva អាចធ្វើវាបាន៕
