- 2020-11-23 23:00:00
- ប្រដាល់
ងួន គា សុខចិត្តលំបាកខ្លួនឯងឲ្យតែបានលុយជួយកូនរៀនដល់សកលវិទ្យាល័យ
- 2020-11-23 23:00:00
- ចំនួនមតិ 0 | ចំនួនចែករំលែក 0
ងួន គា សុខចិត្តលំបាកខ្លួនឯងឲ្យតែបានលុយជួយកូនរៀនដល់សកលវិទ្យាល័យ
ចន្លោះមិនឃើញ
អ្នកលេងគុនខ្មែរវ័យ ៣៧ឆ្នាំ ងួន គា ថាសុខចិត្តលំបាកខ្លួនឯងយ៉ាងណាក៏ដោយ នៅតែប្រឹងធ្វើការ និងឡើងប្រកួតរកលុយឲ្យកូនបានរៀនខ្ពង់ខ្ពស់ដែរដើម្បីជៀសពីគន្លងក្រលំបាកដូចឪពុក។
កីឡាករ ងួន គា បានឲ្យដឹងថា បច្ចុប្បន្ននេះខ្លួនមានកូន ៣នាក់ ហើយកំពុងតែរៀននោះគឺពីរនាក់។ កូនស្រីទី១ រៀនថ្នាក់ទី៩ ចូលទី១០ ឆ្នាំនេះ ខណៈកូនស្រី២ កំពុងរៀនថ្នាក់ទី៦ ចំណែកកូនពៅមិនទាន់គ្រប់អាយុរៀនទេ។ ក្រៅតែពីរៀនសាលារដ្ឋធម្មតាហើយ អ្នកប្រដាល់នៅខណ្ឌដង្កោរូបនេះបានឲ្យកូនរៀនភាសាអង់គ្លេសបន្ថែមទៀតផងដែរ។
អ្នកប្រដាល់វ័យ ៣៧ឆ្នាំ ខាងលើប្រាប់ទៀតថាក្នុង ១ថ្ងៃចំណាយលើការសិក្សារបស់កូនទាំងពីរនាក់នេះប្រហែល២ម៉ឺនរៀលមិនបូកបង់ថ្លៃភាសាអង់គ្លេសប្រចាំខែទេ។ បើទោះជាចំណាយច្រើនលើការសិក្សារបស់កូន ងួន គា ហាក់មិនរុញរានោះទេព្រោះតែខ្លួនរៀនបានតិចនេះហើយ ទើបលំបាកមិនមានការងារល្អ ឬរកលុយបានច្រើនសម្រាប់គ្រួសារ។
សិស្សគុនមកពីក្លឹបតាឡីដំរីមានរិទ្ធ រូបនេះសុខចិត្តលំបាកខ្លួនឯងក្នុងការរកលុយ ឬត្រូវឡើងប្រដាល់ក៏ដោយនៅតែបញ្ជូនកូនឲ្យរៀនបានចប់ចុងចប់ដើម។ ប្រសិនជាអាចចង់ឲ្យរៀនដល់សកលវិទ្យាល័យនៅពេលខាងមុខនេះទៀតផង។
រំលឹកដែរថា ងួន គា ជាកីឡាករគុនខ្មែរនៅក្លឹបតាឡីដំរីមានរិទ្ធ ក្នុងខណ្ឌដង្កោ រាជធានីភ្នំពេញ។ បច្ចុប្បន្នមានមុខរបរជាអ្នកធ្វើការសំណង់ និងឡើងប្រដាល់៕
