- 2020-11-23 07:14:30
- ប្រដាល់
មកស្គាល់កីឡាករចិនដៃគូចាន់ រតនានៅខែក្រោយ ធ្លាប់ឈ្នះនៅ ONE ៥ប្រកួតជាប់គ្នា
- 2020-11-23 07:14:30
- ចំនួនមតិ 0 | ចំនួនចែករំលែក 0
មកស្គាល់កីឡាករចិនដៃគូចាន់ រតនានៅខែក្រោយ ធ្លាប់ឈ្នះនៅ ONE ៥ប្រកួតជាប់គ្នា
ចន្លោះមិនឃើញ
ជើងខ្លាំងគុនចម្រុះរបស់កម្ពុជាកីឡាករ ចាន់ រតនា នឹងបង្ហាញវត្តមានលើសង្វៀន ONE Championship ទល់នឹងកីឡាករចិន Wei Xie នៅថ្ងៃទី ១៨ ខែ ធ្នូ ឆ្នាំ ២០២០ខាងមុខ។
នេះគឺជាការឡើងសង្វៀន ONE លើកដំបូងរបស់ រតនាចាប់តាំងពីប្រកួតចុងក្រោយនៅខែ សីហា ឆ្នាំ ២០១៩។ ៣ប្រកួតចុងក្រោយរបស់ រតនាលើសង្វៀនធំជាងគេក្នុងអាស៊ីមួយនេះបានឈ្នះទាំងអស់ ដោយចុងក្រោយផ្ដួលកីឡាករគុយបា Gustavo Balart។
ឥលូវងាកមកមើលប្រវត្តិរបស់ Wei Xie ក៏មិនធម្មតាដែរ។ គេមានវ័យទើបតែ២៤ឆ្នាំប៉ុណ្ណោះ និងធ្លាប់សាងកំណត់ត្រាយ៉ាងល្អឈ្នះ៤ប្រកួតជាប់គ្នាក្នុងកម្មវិធី One Hero Series។ One Hero Series គឺជាកម្មវិធីនៃផ្នែកមួយរបស់ ONE Championship ដែលតែងតែរៀបចំនៅប្រទេសចិន ដើម្បីស្វែងរកកីឡាករចិនល្អៗឲ្យឡើងមកប្រកួតកម្មវិធីធំ។
បន្ទាប់ពីធ្វើបានល្អនៅ One Hero Series កីឡាករកម្ពស់១,៧០ម៉ែត្ររូបនេះបានឡើងទៅប្រកួតក្នុងកម្មវិធី One Warrior Series 9 យកឈ្នះកីឡាករហ្វីលីពីន Rockie Bactol ក្នុងទឹកទី១។ ជ័យជម្នះផ្ទួនៗ៥ប្រកួតជាប់គ្នា Wei Xie ទទួលបានឱកាសឡើងប្រកួតក្នុងកម្មវិធីធំរបស់ ONE ប៉ះជើងខ្លាំងរបស់ហ្វីលីពីន Danny Kingad។
សម្រាប់ប្រកួតនេះ Wei Xie ធ្វើមិនបានល្អឡើយ ពោលចាញ់ Danny ដោយពិន្ទុ ក្រោយប្រកួតគ្នាអស់៣ទឹកកាលពីចុងខែ មករា ឆ្នាំ ២០២០។ រឿងពិសេសមួយទៀតក្រៅពីប្រកួត MMA ជើងខ្លាំង Wei Xie ក៏ធ្លាប់ប្រកួត Kickboxing ផងដែរ៕