- 2020-11-18 11:43:14
- បាល់ទាត់
កីឡាករអេស្ប៉ាញបោះពាក្យឌឺអាល្លឺម៉ង់ម្នាក់មួយម៉ាត់ ក្រោយឈ្នះ ៦-០
- 2020-11-18 11:43:14
- ចំនួនមតិ 0 | ចំនួនចែករំលែក 0
កីឡាករអេស្ប៉ាញបោះពាក្យឌឺអាល្លឺម៉ង់ម្នាក់មួយម៉ាត់ ក្រោយឈ្នះ ៦-០
ចន្លោះមិនឃើញ
វាពិតជារឿងគួរឲ្យភ្ញាក់ផ្អើលណាស់ ដែលបានឃើញក្រុមជម្រើសជាតិអាល្លឺម៉ង់លេងចាញ់អេស្ប៉ាញ ដែលចាញ់នេះមិនមែនចាញ់ធម្មតាទេគឺចាញ់ស្ពឹកមុខតែម្ដង។ យ៉ាងណាមិញ ជាមួយនឹងជ័យជម្នះនេះ កីឡាករជម្រើសជាតិអេស្ប៉ាញនាំគ្នាបោះពាក្យសម្ដីឌឺដងទៅកាន់ក្រុមអាល្លឺម៉ង់ម្នាក់ម្ដងៗ។
ខ្សែបម្រើ Manchester City កីឡាករ Rodri បានពោលថា៖ “ យើងស៊ីអាល្លឺម៉ង់បាន ៦គ្រាប់ តែតាមពិតទៅយើងអាចដាក់បានច្រើនទៀត “ ។
ចំណែកឯខ្សែប្រយុទ្ធ Juventus កីឡាករ Alvaro Morata បានលើកឡើងថា៖ '' ឈ្នះ ៦-០នេះ ជាសារមួយផ្ញើទៅកាន់ពិភពលោកថា អេស្ប៉ាញអាចធ្វើបែបនេះបាន “ ។
រីឯខ្សែប្រយុទ្ធកើតឆ្នាំ២០០០ របស់ Man City កីឡាករ Ferran Torres ក្រោយរកបាន Hat-Trick កីឡាកររូបនេះបានបោះសម្ដីថា៖ ”អេស្ប៉ាញឈ្នះអាល្លឺម៉ង់តាំងពីពេលកែបាល់ណោះ” ។
ចំណែកឯខាងអាល្លឺម៉ង់វិញច្រើនតែបង្ហាញអារម្មណ៍សោកស្ដាយនឹងបរាជ័យមួយនេះ។ គ្រូអាល្លឺម៉ង់ Joachim Low បាននិយាយត្រង់ៗថា លោកមិនដឹងថាមានរឿងអីកើតឡើងចំពោះកូនក្រុមរបស់លោកទេ ទើបចាញ់ដល់ថ្នាក់ហ្នឹង៕