- 2020-11-17 07:49:30
- ប្រដាល់
ហ៊ុន ច័ន្ទរាជ្យ៖ «នៅខ្មែរឥលូវមិនទាន់មានអ្នកអាចជួប Rodtang បានទេព្រោះ...»
- 2020-11-17 07:49:30
- ចំនួនមតិ 0 | ចំនួនចែករំលែក 0
ហ៊ុន ច័ន្ទរាជ្យ៖ «នៅខ្មែរឥលូវមិនទាន់មានអ្នកអាចជួប Rodtang បានទេព្រោះ...»
ចន្លោះមិនឃើញ
ហ៊ុន ច័ន្ទរាជ្យ គ្រូប្រដាល់ MMA និងជាអ្នកនាំកីឡាករវ៉ៃក្រៅប្រទេសមួយរូប ថាបច្ចុប្បន្ននេះតាមការមើលឃើញមិនទាន់មានកីឡាករខ្មែរកំពុងឡើងកូដណាអាចប្រកួត ឬទប់ទល់ជាមួយអ្នកប្រដាល់ល្បីឈ្មោះរបស់ថៃ Rodtang បានទេ។
លោក ហ៊ុន ច័ន្ទរាជ្យ បានឲ្យដឹងថា បើតាមការគិតរបស់លោក ឥលូវនេះកីឡាករខ្មែរលើប្រភេទទម្ងន់ ៦០គីឡូក្រាមគឺមិនទាន់មានអ្នកណាអាចជួបជើងខ្លាំងថៃ Rodtang បានទេ ព្រោះបទពិសោធ និងរាងកាយមិនទាន់ដល់គេឡើយ។
គ្រូប្រចាំក្លឹប CTT រូបនេះបន្តលើកឡើងទៀតថា Rodtang គឺល្អខ្លាំងណាស់ឥលូវនេះជាប្រភេទកីឡាកម្រិតពិភពលោកទៅហើយ ទាំងបទពិសោធ ភាពធន់ រឹងមាំ ទម្រង់វ៉ៃពិបាកទប់ទល់តែម្ដង។ ចំពោះកីឡាករខ្មែរប៉ុន្មានរូបដែលកំពុងឡើងកូដលើប្រភេទទម្ងន់ ៦០គីឡូក្រាមនេះ បើចង់ជួបកីឡាករថៃ Rodtang គួរវ៉ៃឲ្យបានយូរជាងនេះសិន សន្សំបទពិសោធបន្ថែម និងឲ្យរាងកាយរឹងល្អជាងបច្ចុប្បន្ន។
រំលឹកដែរថា រយៈពេលប៉ុន្មានថ្ងៃនេះមានអ្នកគាំទ្រប្រដាល់មួយចំនួនបានបង្ហោះរូបភាព និងមានអ្នកខ្លះទៀតចង់ឲ្យកីឡាករ អេលីត ចំរើន ឃឹម បូរ៉ា ឈិត សេរី វណ្ណថង រួមកីឡាករមួយចំនួនទៀតប៉ះកំពូលកីឡាករថៃ Rodtang តាមបណ្ដាញសង្គមហ្វេសបុកជាដើម៕
