- 2020-10-21 02:53:51
- ប្រដាល់
ប៊ុន សុធា៖ សម្រេចក្ដីបំណងជួបសងសឹក អេលីត ចំរើន ហើយសប្ដាហ៍នេះ
- 2020-10-21 02:53:51
- ចំនួនមតិ 0 | ចំនួនចែករំលែក 0
ប៊ុន សុធា៖ សម្រេចក្ដីបំណងជួបសងសឹក អេលីត ចំរើន ហើយសប្ដាហ៍នេះ
ចន្លោះមិនឃើញ
អ្នកប្រដាល់មហិច្ឆតាខ្ពស់ ប៊ុន សុធា បានសម្រេចក្ដីបំណងដើម្បីជួបសងសឹកលើកីឡាករល្អជើង អេលីត ចំរើន ហើយនៅថ្ងៃសៅរ៍សប្ដាហ៍នេះឯសង្វៀន CNC។
អេលីត ចំរើន បានលើកឡើងក្នុងហ្វេសបុកផេកប្រដាល់មួយថា ថ្ងៃសៅរ៍នេះខ្លួននឹងត្រូវតតាំងជាមួយសិស្សគុនមកពីសមាគមកីឡាក្រសួងការពារជាតិ ប៊ុន សុធា ហើយក៏ជាការសម្រេចក្ដីបំណងរបស់ដៃគូខ្លួនផងដែរ ដែលចង់ជួបសងសឹកជាយូរណាស់ហើយ និងឃ្វាងគ្នារហូត។
សម្រាប់ការប្រកួតនេះ ចំរើន ដាក់ក្ដីសង្ឃឹមត្រឹម ៥០/៥០ ថានឹងទទួលបានជ័យជម្នះ ពោលគឺចាំមើលជាក់ស្ដែងនៅពេលប្រកួត។ ចំពោះរឿងថាមាននរណាសន្លប់នាជំនួបនេះមិនអាចនិយាយទុកមុនទេ ដឹងតែឡើងទៅគឺប្រឹងវ៉ៃឲ្យអស់ពីសមត្ថភាពតែម្ដង។ កូនសិស្សលោក ស៊ន អេលីត រូបនេះសរសើរ ប៊ុន សុធា ជាកីឡាករដែលល្អវ៉ៃជង្គង់។
រំលឹកដែរថា កីឡាករ ប៊ុន សុធា ធ្លាប់ចាញ់ អេលីត ចំរើន ១ដងនៅវគ្គពាក់កណ្ដាលផ្ដាច់ខ្សែក្រវាត់មាស នៅសង្វៀន PNN ខណៈការចាញ់នោះធ្វើឲ្យរូបគេមិនអស់ចិត្តទាល់តែសោះ ហើយទន្ទឹងរង់ចាំជួបសងសឹកជាថ្មី។ សប្ដាហ៍នេះទាំងពីរជួបគ្នាជាថ្មីទៀតហើយនៅថ្ងៃសៅរ៍ ទី២៤ តុលា ២០២០ វេលាម៉ោង ២រសៀល លើសង្វៀន CNC ដណ្ដើមប្រាក់លាន៕
