នៅ ស្រីពៅ បានឱកាសឡើងសង្វៀន ONE ជាថ្មីទៀតហើយចុងខែនេះ

2020-10-13 04:26:41
ប្រដាល់

2020-10-13 04:26:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីដើមកំណើតប្រដាល់សកលកម្ពុជា នៅ ស្រីពៅ បានឱកាសបង្ហាញខ្លួនលើសង្វៀនលំដាប់ពិភពលោក ONE Championship ជាថ្មីទៀតហើយនៅថ្ងៃទី៣០ ខែតុលា ឆ្នាំ២០២០ នេះនៅប្រទេស សិង្ហបុរី។

រូបភាពលើវេបសាយ ONE

នេះបើតាមការផ្សព្វផ្សាយលើគេហទំព័ររបស់ ONE បានលើកឡើងថា កីឡាការិនីរបស់កម្ពុជា នៅ ស្រីពៅ នឹងតតាំងជាមួយជើងខ្លាំងរបស់ប្រទេសឥណ្ឌា Ritu Phogat នាថ្ងៃទី៣០ ខែតុលា ឆ្នាំ២០២០ ដើម្បីស្វែងរកជ័យជម្នះរបស់ខ្លួនជាលើកទី២។

ស្រីពៅ ប្រកួតនៅ ONE លើកទី១

សិស្សគុនមកពីក្លឹបតាឡីដំរីមានរិទ្ធខាងលើនេះ នឹងក្លាយជាកីឡាការិនីទី១ ដែលអាចចេញទៅប្រកួតលើសង្វៀន ONE អំឡុងផ្ទុះជំងឺ COVID នេះ ព្រោះមិនមានកីឡាករ កីឡាការិនីរូបណាបានហោះចេញពីខ្មែរទៅប្រកួតនៅសង្វៀនក្រៅស្រុកឡើយ។ នេះក៏ជាសញ្ញាណល្អមួយសម្រាប់កីឡាករផ្សេងៗទៀតដែលមានបំណងចង់ចេញទៅប្រកួតនៅកម្មវិធីប្រដាល់ឯក្រៅប្រទេសផងដែរ។

កីឡាការិនី នៅ ស្រីពៅ

ស្រីពៅ ធ្លាប់ឡើងសង្វៀន ONE បាន២ដង ក្នុងនោះលើកទី១ ឈ្នះកីឡាការិនីថៃ Rika Ishige និងលើកទី២ ចាញ់ពិន្ទុកីឡាការិនីឥណ្ឌូណេស៊ី Priscilla Hertati Lumban។ ចំណែកលើកទី៣ ប៉ះកីឡាការិនីឥណ្ឌា Ritu Phogat នៅថ្ងៃទី៣០ តុលា ២០២០ នេះចាំ នៅ ស្រីពៅ របស់កម្ពុជាអាចរកជ័យជម្នះ១ដងទៀតបានទេ៕

អត្ថបទ៖ នួន ស៊ីណា